Argomenti
Argomenti
Sa pinacoteca tzitadina "Giuseppe Altana", collocada in sos locales de s'ex Tzentrale Elètrica a cura de s'Assessoradu a sa Cultura de su Comunu de Otieri e de s'Istitutzione "San Michele", esponet una seletzione de unas 70 òperas de s'imponente colletzione de arte de su Comunu.
Si tratat de unu nùcleu de òperas pitòricas e iscultòreas seletzionadas e ammaniadas dae Mario Lai e Michele Calaresu, apassionados cultores de arte locales. Medas de custas òperas sunt su frutu de diversas lassas fatas in sos ùrtimos annos de unas cantas persones presas affettivamente a Otieri, intre cale ammentamus sas famìlias Marras, Tinu e Cocco. S'allestimentu tenet contu de su bisòngiu de avalorare a su mègius sos prus importantes pintores otieresos; duncas sos visitadores ant a pòdere ammirare sa "Sala Giuseppe Altana", sas "Salas Pietro Tinu", sas "Salas prof. Vincenzo Marras" e sas salas de arte cuntemporànea.
Intre sas òperas espostas si signalant sas de artistas oramai notes a livellu internatzionale, comente a Battaglia, Ceccobelli, Cotani, De Stasio, Galliani, Panzino, Colat, Pinelli, Pitzos Cannella, Ricci, Tacos e Lai, e de importantes esponentes de s'arte oto - novecentesca sarda, toscana e umbra (comente a Somelli, Mazzaccherini, Balores e unos àteros)
Ca est importante lu bisitare
Ultres a cunservare un'importante colletzione de òperas de arte e costituire un'importante ispàtziu espositivu, chi at acasagiadu e at a acasagiare mustras temporàneas, s'ex tzentrale elètrica rapresentat unu de sos prus importantes esèmpios de archeologia industriale de sa Sardigna.
S'edifìtziu at acasagiadu sa prima tzentrale elètrica operadora in Sardigna, de sighida impreada a pastificio. A su suo internu cunservat unos cantos machinàrios chi testimòniant s'istòria sua.
Categoria Struttura: Museu, galleria e/o collida
Tipologia Contenuti:
Arte
Fruibilità: Abertu
Provincia: Tàtari
Comune: Ozieri
Macro Area Territoriale: Nord Sardegna
CAP: 07014
Indirizzo: via Alcide De Gasperi, 2
Telefono: +39 079 786207 +39 079 7851052 +39 079 787638
Email: segreteria.istituzione@comune.ozieri.ss.it promozione.istituzione@comune.ozieri.ss.it
Facebook: www.facebook.com/IstituzioneOzieri
Informazioni sui biglietti e sull\'accesso: Sa pinacoteca aberit petzi subra de aparauladura, telefònica o bia de curreu eletrònicu.
Modalità di accesso: a pagamentu
Biglietti :
Aggiornamento
Servizi
Visite guidate
Dove si trova
Video
Facebook
Twitter
LinkedIn
WhatsApp
Stampa
Email
Commenti