Ossi, Museu Etnogràficu Comunale

Su Palatzu Baronale acasàgiat su Museu Etnogràficu Comunale. Su percursu espositivu s'isnodat subra de tres pranos ue sunt torrados a costrùere sos diferentes ambientes rurales de su sèculu passadu e ue sunt espostos, sighende su sentidu lògicu, sos diversos trastos e atretzos chi sunt serbidos a sos mannois nostros pro acumprire s'istracadore traballu de sos campos o de sas butegas artesanales, e a sas mannais nostras, cun eguale mùngia, pro sos traballos domèsticos, sa panificazione, sa produtzione de su casu, sa tessidura, sa numerosa famìlia de mandare a in antis.
Si podent gasi bìdere a su pranu terra, in su passadissu chi giughet a sa corte, s'espositzione de unos cantos atretzos chi serbiant pro traballare sa terra, zappe, arados, sos finimenti de sos animales de tiru e de soma. In s'ùnicu aposentu a sa pranuterra su percursu sighit cun s'espositzione de sos ogetos impreados pro sa traballadura de sos produtos de su sartu, de antigos pesos e medidas, de atretzos pro sa produtzione de casu, binu e ògiu. A su pranu superiore, in bator distintos locales, sunt istados torrados a costrùere, cun mòbiles e ogetos de època, sa coghina e sa càmera de letu, est a nàrrere sos aposentos chi costituiant sos ùnicos locales de s'abitatzione massaja, un'aposentu de disimpinnu (s'apposentu) ue sas massaie cosiant, ricamaiant e retziant sos istràngios. In unu de bator locales si colant a rassegna totu sos atretzos impreados dae su falegname, su frau e su calzolaio chi resurtant èssere sas artes prus atestadas a Ossi. Tres artes chi paris cun sos de su massaju, de su pastore, de su mugnaio, de su muradore, de su cestaio, rapresentaiant una cumplessa faina de traballu chi rendiat belle de su totu autònoma sa vida de su paisu. Su segundu a bellu acasàgiat in fines sa setzione archeològica.

Ca est importante a lu bisitare
Su Museu Etnogràficu Comunale de Ossi, in prus de curare s'aspetu etnogràficu, rapresentat un'importante puntu de partèntzia pro sas bìsitas ghiadas a sos numerosos giassos de su territòriu. Su Palatzu Baronale acasàgiat a su suo internu sa mustra permanente denominada "Sos logos de s'archeologia", curada dae sa dott.ssa Pina Maria Derudas. Parte de custa mustra est istada crèschida in sa setzione archeològica cun plàsticos chi rafigurant sas prus importantes domus de janas de su Comunu de Ossi. Gràtzias a custos aprofundimentos at a èssere possìbile a cròmpere sos giassos cun unos percursos prestabiliti e totu sas informatziones netzessàrias pro sa bìsita. Su Museu etnogràficu de Ossi frunit in prus unu sèberu mannu a beru de laboratòrios didàticos e educativos atos a megiorare su connoschimentu de sas traditziones populares e de su territòriu.

Tag

Categoria Struttura: Museu, galleria e/o collida

Tipologia Contenuti: Etnografia e antropologia

Fruibilità: Abertu

Provincia: Sassari

Comune: Ossi

Macro Area Territoriale: Nord Sardigna

CAP: 07045

Indirizzo: via G. M. Angioy, 2

Telefono: +39 079 3403119 +39 079 349085

Sito Web: www.comune.ossi.ss.it/it/page/museo-etnografico

Facebook: pt-br.facebook.com/pg/Museo-Etnografico-di-Ossi-213217435414968

Informazioni sui biglietti e sull\'accesso: Est possìbile a consultare sos oràrios de abertura agiornados acanta sa pàgina dedicada de su giassu web de su Comunu de Ossi.

Modalità di accesso: a pagamentu

Biglietti :

Intreu : 2.5 €, adultos, .

Reduidu : 1 €, residentes, .

Reduidu : 2 €, grupos de mìnimu 20 pessones, .

Reduidu : 1.5 €, iscolas, .

Reduidu : 1.25 €, minores de sos 6 a sos 18 annos e istudiantes universitàrios cun tesserino, .

Informazioni sui servizi: Su sèberu de sos laboratòrios, subra de aparauladura, pro sas iscolas de cada òrdine e gradu podet èssere fata seletzionende·los subra de un'apòsitu cartulàriu didàticu resu disponìbile de su museu.

Aggiornamento

29/5/2024 - 18:08

Servizi

Sala per la didattica