Argomenti
Argomenti
Su giardinu botànicu de su Monte Arci est collocadu in una zona perifèrica a nord ovest de su tzentru abitadu de Masuddas. Est istadu realizadu comente a cumpretamentu de s'àrea chi apartenet a s'ex Cunventu de sos Caputzinos, costruidu a metade de su sèculu XVII intre su 1643 e su 1655, e comente a interconnessione cun su “GeoMuseo Monte Arci” sitiadu a s'internu de s'ex Cunventu matessi. Crèsia e cunventu fiant istados serrados in su 1866 e cunfiscados dae su Rennu de Itàlia cun sa lege de supressione de sos Òrdines e de sas Corporatziones religiosas. S'àrea de pertenèntzia de sos mòngios fiat de belle 15.000 mq, oe si cunservada belle de su totu. In sos annos ’80 e ’90 su Comunu aiat aviadu unu longu interventu de restàuru, recuperende s'intreu cumplessu. Su reghente progetu de su giardinu botànicu, chi interessat parte de s'antigu territòriu cunventuale, mìria a cunservare, tutelare, avalorare e divulgare unos cantos intre sos prus importantes aspetos naturalìsticos de su Monte Arci. S'initziativa naschet fintzas de sa voluntade de riqualificare unu logu de rilievu istòricu-artìsticu, torrende·lu a sa comunidade tràmite sa cura e s'assentu de su birde pùblicu. Inauguradu in su 2020, su progetu est istadu realizadu pro fases. Insertadu in un'àrea pseudo retangulare, s'articulat in duos ispàtzios printzipales definìbiles macroàreas. Sa prima est costituida dae su giardinu beru e etotu chi podet èssere partzidu galu de prus in chimbe ispàtzios articulados in aiuole irregulares, distintas in base a sas colletziones botànicas chi acasàgiant, mesches presentes in su territòriu de su Monte Arci: zona de sa gariga, zona de sa mantza mediterrànea, zona de sa riparia, aiuole de sos fundos officinali, zona de su padente. Un'ulteriora àrea prativa tzirculare est destinada a acasagiare eventos. Sa segunda macroàrea, destinada a sas fainas lùdicas e de ispàssiu, acasàgiat unos cantos giogos pro pipios, una pergola e una zona in fase de cumpretamentu. S'àrea est caraterizada dae sa presèntzia de una setziada semitzircolare (semi-anfiteatru) e una bartza tzirculare cun funtana. Localizadu longu su perìmetru a ovest un'antigu putzu a noria cun cisterna.
Aspetos de interessu
Sa cumpositzione de su birde organizada in ispàtzios vegetazionali ripropone sos ambientes naturales caraterìsticos de su territòriu de su Monte Arci. Sas diversas castas de fundos sunt distribuidas in modu de torrare a creare micro-paisàgios coerentes, favorire sa cumprensione de sos ecosistemas locales a traessu de unu percursu informativu dedicadu. Sos tratzados acumpàngiant in manera graduale su visitadore a traessu de sos vàrios ambientes botànicos, megiorant sa fruibilità de s'ispàtziu e oferint diferentes puntos de bista subra de su paisàgiu vegetale. Longu sos percursos est presente una cartellonìstica esplicativa, chi acrarit sas caraterìsticas de sas genias e de sos habitat, fatzilitende s'orientamentu e arrichende s'esperièntzia de bìsita.
Categoria Struttura: Monumentu naturale
Tipologia Contenuti:
Giardino
Orto botanico
Fruibilità: Abertu
Provincia: Aristanis
Comune: Masullas
Macro Area Territoriale: Sud Sardigna
CAP: 09090
Indirizzo: via San Francesco, s.n.c.
Telefono: +39 389 1777100 +39 0783 991122
Email: coopilchiostro@tiscali.it ceasmasullas@tiscali.it
Sito Web: www.comune.masullas.or.it www.ceaspartemontis.it/il-giardino-botanico-del-monte-arci
Informazioni sui biglietti e sull\'accesso: Su giardinu est una dipendensza de su Museu GeoMuseo Monte Arci "Stefano Incani". Pro tènnere informatziones agiornadas subra de sos oràrios de bìsita e subra de su costu de sos billetes si cussìgiat de consultare su giassu web de su gestore de su museu.
Modalità di accesso: a pagamentu
Aggiornamento
Dove si trova
Facebook
Twitter
LinkedIn
WhatsApp
Stampa
Email
Commenti