Macumere, Giardinu de Villa Pasquini

Giardinu de Villa Pasquini. Foto de Angela Nieddu, 2025, de Catàlogu BBCC

Sa villa Pasquini cun su giardinu de pertenèntzia fiat istada realizada dae s'Ingenieri Gustavo Salmon in su 1887. Fiat istada tzèdida posca a su conte Pasquini, chi l'aiat destinadu a sede de su cumpartimentu de Macumere de sas Ferrovias Cumplementares de sa Sardigna, e, in fines, in sos primos annos de su 1980, fiat istada achirida dae su Comunu de Macumere. No esistent fontes istòricas tzertas relativas a sa cunfiguratzione planimètrica originària de su giardinu ne a sa cumpositzione botànica initziale. Nointames, s'anàlisi de fotografias aèreas istòricas evidèntziat sa presèntzia de alberature e àreas a padru giai partinde dae sos annos 1954-1955 e 1968. Cun s'interventu de su 2010 s'est definida sa cunfiguratzione atuale de su giardinu. Villa Pasquini pesat in su tzentru abitadu de Macumere, atzufada in su giardinu suo de pertenèntzia. S'intrea propiedade coberit una superfìtzie de belle 3.400 mq, de cale belle 3.080 mq destinados a su giardinu, e presentat s'atzessu printzipale de unu cantzellu situadu longu cursu Umbertu I. S'àrea a fùrriu a sa villa, definida spazialmente de sa positzione de sa villa matessi, si cunfigurat comente a unu giardinu urbanu delimitadu dae un'arta retzintzione in muratura. Su giardinu s'articulat in diversos ispàtzios birdes. In sa parte nord, sa prus ampra e mègius cunservada, si distinghent aiuole geomètricas e simmètricas, cun àrbores e matas, e aiuole semper a disinnu regulare ma cun una majore presèntzia de àrbores a artu truncu. Custas àreas sunt delimitadas dae cordoli, cursados e ispàtzios postos su pamentu. A sud s'agatant ulteriores aiuole cun mesches arbòreas e una pergola metàllica coberta dae fundu rampicante. Subra de su retro de sa villa s'aberit unu àteru ispàtziu birde, avoretadu dae matas e caraterizadu dae una fasca tzentrale destinada a campu de bocce. Sa partzidura de sos ispàtzios est galu de prus scandita de filari de èlighes longu su percursu de atzessu a sa villa, bordure de laru longu sa retzintzione nord, e bordure de.

Consultat su Catàlogu de sos benes culturales – Scheda Giardinu de Villa Pasquini NCTN 2000253027

Aspetos de interessu
Su giardinu naschet comente a pertenèntzia de Villa Pasquini, edifìtziu in istile eclèticu. De su puntu de bista compositivu, sa vegetatzione creat unu giogu de prenos e bòidos, cun aiuole e mesches vegetales de minore artària chi cunsentint una visuale prus aberta. Sa presèntzia de èlighes e chercos de sas chiome ampras determinat una vegetatzione prus fita. In su cumplessu, prevalent mesches tìpicas de sa vegetatzione mediterrànea.