ISTAT: òtimos resurtados pro sas rilevadas de museos e bibliotecas

Rilevadas ISTAT 2026 de museos, istitutziones sìmiles e bibliotecas

Fintzas ocannu sas rilevadas ISTAT giradas a sos museos abertos a su pùblicu e a sas bibliotecas de pùblica letura, ispetzializadas e de cunservatzione ant pòdidu contare subra sa significativa partetzipatzione de sos istitutos e logos de sa cultura pro sa cumpiladura de sos cuestionàrios.

Sos datos regortos costituint una risursa istratègica pro s'elaboratzione de sas polìticas natzionales e regionales de amparu a su cumpartu culturale.
Sas rilevadas rapresentant s'oportunidade de dare visibilidade a sos sìngulos istitutos chi cumponent su ricu panorama de s'oferta culturale de sa Sardigna, cun recadimentos significativos in tèrmines de:

valore agiuntu pro su cumpartu culturale regionale e pro s'intrea colletividade;
connoschimentu de sas dislindadas de su patrimòniu culturale e s'afortimentu de s'identidade locale;
anàlisi de sas relatziones intre sas caraterìsticas sotzioeconòmicas de sos territòrios e sa presèntzia/cunsistèntzia de sos logos de sa cultura in sos matessi àmbitos;
valorizatzione de su ruolu de sos istitutos e logos de sa cultura comente a leva pro s'isvilupu sotzioeconòmicu de su territòriu;
raportos intre produtzione e gosamentu culturale, isvilupu de su territòriu e orientamentu sotziale e econòmicu a s'innovatzione e a su connoschimentu.

Sas iscumbatas si sunt acumpridas a traessu de sa collaboratzione intre s'Ufìtziu de Istatìstica de sa Regione Sardigna e sa Diretzione Generale de sos Benes Culturales, Informatzione, Ispetàculu e Isport, in s'àmbitu de su Programa Istatìsticu Natzionale (PSN).

Sas rilevadas ant generadu tassos de risposta significativos:

Bibliotecas: subra de 484 bibliotecas de su territòriu regionale su tassu de risposta est pari a su 100%.
Musei e istitutos sìmiles: subra de 326 museos e istitutos sìmiles de su territòriu regionale interessados in s'iscumbata su tassu de risposta est como pari a su 91,27%.

Comente consultare sos resurtados de s'iscumbata
Sos datos ant a èssere publicados in su giassu ISTAT a su tèrmine de sas fainas de cunsolidamentu e validatzione istatìstica.
Bibliotecas: sos datos regortos sunt impreados pro carculare inditadores subra de sa dotatzione de risursas culturales a livellu territoriale, integrare sas istatìsticas ufitziales de interessu setoriale e contribuire a su popolamento de diversas bancas de datos istitutzionales. Sos datos rilevados sunt difùndidos in forma de filas de microdati, aia rèndidu atzessìbiles e consultàbiles de totu sos impitadores deretu in su situ de s'Istat. Sos resurtados de s'iscumbata permitent de agiornare s'Anàgrafe de sas bibliotecas italianas gestida dae s'ICCU e s'anàgrafe regionale acasagiada in su giassu SardegnaBiblioteche.
Musei: sos datos regortos sunt difùndidos dae s'Istat e in publicatziones istitutzionales de interessu generale e temàticu, in bancas de datos a su màssimu livellu de minuda, puru in forma de filas de microdati atzessìbile e consultàbile de totu sos impitadores.

Aggiornamento

3/8/2026 - 08:29