ISRE - Ogetos de museos

Sas fainas de digitalizatzione acanta s'Istitutu Superiore Regionale Etnogràficu (ISRE) de Nùgoro cumprendent unos 8.000 ogetos relativos a manufatos de interessu istòricu, artìsticu e demoantropologico, custoidas acanta su Museu de su Costùmene, su Museu de sa Tzeràmica e sos relativos depòsitos.

S'Istitutu Superiore Regionale Etnogràficu (ISRE)
S'ISRE fiat istadu istituidu cun Lege regionale 26/1972 cun atacadu su Museu de sa vida e de sas traditziones populares sardas. Sas finalidades de s'ente sunt s'istùdiu e sa documentatzione de sa vida sotziale e culturale de sa Sardigna in sas manifestatziones traditzionales suas e in sas trasformatziones suas. Sa faina s'àtuat a traessu de un'articulada sèrie de còmpitos e funtziones, intre cales: sa gestione de su Museu regionale de sa vida e de sas traditziones populares sardas oe denumenadu Museu de su Costùmene (Nùgoro), de su Museu Deleddiano (Nùgoro), de su Museu Etnogràficu Regionale-Colletzione Luigi Cocco (Casteddu, Biddighedda de su Musei); sa gestione de sa Mediateca. S'Istitutu curat s'allestimentu de mustras e cunvegnos, giughet istùdios e chircas e realizat produtziones audiovisivas e tzinematogràficas inerentes a sos àmbitos istitutzionales.

Sas colletziones
Su Museu de su Costùmene, abertu in manera permanente dae su 1976, museu denumenadu in manera pretzedente de sa Vita e de sas Traditziones Populares Sardas, est su majore Museu Etnogràficu de sa Sardigna. Torradu a abèrrere a su pùblicu in su 2015 a pustis de sa ricualificatzione istruturale e espositiva. Oferit un'ispacadu de sa vida traditzionale regionale: sas professiones, sos ispàtzios abitativos e domèsticos, sos utensili, s'alimentatzione, sos bestires, sos ornamentos, sas festas, sa mùsica, sa religiosidade e s'imaginàriu populare.
Su Museu de sa Tzeràmica est ammaniadu acanta Casa Chironi a su cumintzu cun una pitica colletzione possedida dae s'ISRE, posca arrichida in su tempus cun lassas e achirimentos bènnidos de sos tzentros cales su Campidanu e s'iscola de Durgali, finas a sas produtziones cuntemporàneas de sos mastros de s'artesania artìstica. Su Museu cunservat e esponet manufatos artesanales de impreu fitianu de su sèculu XIX e produtziones creativas e artìsticas cuntemporàneas de unos cantos importantes ceramisti natzionales.

Sa digitalizatzione
Sas fainas de su progetu PNRR prevident sa digitalizatzione de ogetos e manufatos de diferente casta articulados in sas sighentes classificatziones:

Armas
Cartacei e pintados
Tzeràmica, bidru, gesso
Prendas
Linna, ortigu
Metallos
Pedde, còrgios, ossu e corru
Istrumentos musicales
Tèssiles
Vàrias

Pro aprofundimentos subra de sas fainas de s'Istitutu superiore regionale etnogràficu si tasit a su situ de s'ISRE, in particulare pro s'istòria e sas peculiaridades de sas colletziones chi ant a èssere ogetu de digitalizatzione si rinviat a sas pàginas dedicadas a su Museu de su Costùmene e a su Museu de sa Tzeràmica.

Aggiornamento

3/7/2025 - 16:47