Igrèsias, Mina de San Beneitu

Sa mina insistet in una zona rica de prètzios ambientales, ue sa vegetatzione boschiva s'ìntegrat cun sos manufatos netzessàrios a sa faina estrativa.
Su bidditzolu de San Beneitu s'isvilupat cun sas abitatziones dispostas longu su caminu printzipale e unas cantas trasversales. Torrat a artziare in s'impiantu suo a sos primos de su Noighentos, a pustis de chi giai in su 1872 sa Sotziedade Vieille Montagne aiat achiridu sa cuntzessione de sa mina, devènnida posca pùblica e dismessa in su 1990.
Sos edifìtzios prus significativos sunt sa crèsia, s'iscola e sa palazzina de sa diretzione.
Sa crèsia est unu simpre fràigu cun fatzada a cabanna e unu portale a arcu agudu chi est torradu a leare in su campanile a vela chi sa sovrasta. A s'in subra est visìbile su singulare edifìtziu de s'iscola a duos pranos cun ventanas bifore a arcu a totu de ses, chi tenet unu corpus prus artu cobertu cun cobertura a padiglione, in positzione primàrgia respetu a sos àteros fràigos.
Su simple fraigadu de sa diretzione si distinghet mescamente pro sa lunetta de intrada cun su monogramma "VM" (Vieille Montagne) cun tres isteddos e duos marteddos rugrados chi torrant a cramare su traballu mineràriu.
Intre sas istruturas riservadas a sa bogadura de sos minerales cheret signaladu su castelletto in ferru de su forru Zinnerman.
Sa mina faghet parte de su Parcu Geominerario, Istòricu e Ambientale de sa Sardigna, reconnotu dae s'UNESCO.

Istòria de sos istùdios
Sos impiantos mineràrios de Igrèsias sunt mentovados in diversas òperas subra de s'archeologia industriale in Sardigna.

Bibliografia
F. Masala, "Architeturas mineràrias in Sardigna intre revivals e ecletismu", in S'òmine e sas minas in Sardigna, a cura de T.K. Kirova, Casteddu, Editziones de sa Torre, 1993, pp. 115-126;
S. Mezzolani-A. Simoncini, Sardigna de sarvare. Paisàgios e architetura de sas minas, Nùgoro, Archìviu Fotogràficu Sardu, 1993, pp. 167-177;
F. Masala, "Sos insediamentos mineràrios. Formas, architeturas, problemas", in Sas tzitades de fundatzione in Sardigna, a cura de A. Lino, Casteddu, 1998, p. 40.

Comente arribbare
Sa mina prumu-zincifera de San Beneitu est situada in sa badde de su riu omònimu, chi si podet sighire a traessu de sa SS 126 chi de Igrèsias giughet a Frùmini Mayori. A unos 5 km de sa tzitade s'istacat unu caminu chi a traessu de una sèrie de tornanti arribbat a su bidditzolu.