Diàlogos a sa Bi.G: libros chi faeddant a su presente "Libros de artista"

Unu libru podet èssere meda de prus de un'ogetu de lèghere. Cando artista e autore, carta, paràulas, matèria, tècnicas, memòria e progetu s'adobiant, su libru podet devènnere iscultura, òpera fotogràfica, secuèntzia de intzisiones, installatzione. Podet acollire s'iscritura opuru la burrare. Podet impreare sa paràula comente a testu opuru la trasformare in sinnu. Podet èssere piticu e fràgile, opuru assùmere una dimensione monumentale.
Gasi su libru no est prus petzi su cuntenidore de s'òpera. Devenit s'òpera matessi.

Su libru de artista no est in manera simpre unu libru incraridu, ma su resurtadu de un'addòbiu intre idea e matèria, intre traditzione e isperimentatzione, intre su territòriu in su cale s'òpera naschet e su mundu in su cale issa est posca presentada.
Sa Sardigna bantat una traditzione de chirca artìstica capatza de si cunfrontare cun su panorama internatzionale, comente a testimòniant a esèmpiu sos percursos de artistas cales Maria Lai, Gabriella Locci e Giovanna Sicas, istràngias -in diversas editziones- de sa Biennale de Venètzia, istòricu puntu de riferimentu e inditadore printzipale de sas tendèntzias noas de s'arte cuntemporànea mundiale.

Giòvia, 22 santugaine 2026 a sas 17:00, in s'addòbiu nou de Diàlogos a sa Bi.G | Libros chi faeddant a su presente, dedicadu a sos Libros de artista, Gabriella Locci cun Dario Piludu e su coordinamentu de Carla Zizi, ant a contare de comente de sa Sardigna custas esperièntzias arribbent a dialogare cun sos cuntestos artìsticos internatzionales e ant a aprofundire su raportu intre libru e arte cuntemporànea, intre isperimentatzione tècnica e chirca visiva de unu formadu chi podet èssere, in su matessi tempus, sustennu, messàgiu e òpera de arte.

Sos Diàlogos a sa Bi.G sunt de badas e a intrada lìbera, finas a esaurimentu postos.