Casteddu, Proveditoradu a sas Òperas Pùblicas

Su palatzu de su Proveditoradu a sas Òperas Pùblicas, atuale sede de su Tribunale Amministrativu Regionale, s'insertat in sa longa e pluridecennale formatzione de sa pratza de su Carmine, ocupende·nde su chirru orientale probe, e s'allìniat a su casamentu iscolàsticu "Sebastiano Satta" (1899-1904).
S'edifìtziu, caraterizadu dae motivos de istampu eclèticu, prevalentemente de su Rinaschimentu e manieristas, est istadu longos annos sa sede de su Proveditoradu a sas Òperas Pùblicas, ativu meda pro sos grandu traballos chertos dae su règimene fascista, chi aiant tentu impulsu pro sa legislatzione ispetziale pro sa Sardigna (gai naradu "decretu de su milliardu").
Costruidu subra de progetu de s'architetu Augusto Valente de s'Impresa Fràigos Asismiche Sotziedade Anònima "C.A.S.A." de Reggio Calàbria intre su 1925 e su 1927, s'edifìtziu giughet duos frontes esternas chi s'incrarant de pare a pare subra de sa pratza cun su chirru cùrtziu, e subra de sa traversa de bia Tàtari, prevìdida pro su collegamentu cun sa bia G.M. Angioy mai realizadu, cun su chirru longu.
Su fràigu tenet unu pranu in parte seminterradu subra de su cale si còllocant sa pranuterra torrada a pesare e sos tres pranos superiores. Su pranu inferiore est signadu dae sos finestroni balaustrati e decorados cun fintos contzet a ventaglio, separados dae fascas aggettanti subrapostas, mentras sos tres pranos tenent ventanas simmètricas sovrastate de tìmpanos e curnisas in manera progressiva prus pagu ricas. Su prospetu subra de pratza de su Carmine est concruidu dae unu fastigio decorativu a printzipales.
A s'internu in sa sala de rapresentàntzia est cunservada sa decoradura pitòrica de Filippo Figari, realizada intre su 1928 e su 1929: sos sugetos sunt "S'aia, Sa crèsia, Sa domo, Su bidditzolu", ispirados a iscenas de sa traditzione sarda.

Bibliografia
F. Masala, "Su bighinadu e s'istòria sua", in Casteddu Bighinados istòricos. Stampace, Cinisello Balsamo, A. Pitzos, 1995, pp. 27, 100;
M. Pintus, "Architeturas", in Casteddu Bighinados istòricos. Stampace, Cinisello Balsamo, A. Pitzos, 1995, p. 122;
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 35;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 56.