Casteddu, Palatzu Accardo

S'edifìtziu òcupat s'àngulu intre su largu Carlo Felice e sa bia Crispi a impinna a su fronte posteriore de su Munitzìpiu e est unu de sos prus rapresentativos de sa faina edilìtzia de s'època de su sìndigu Ottone Bacaredda.
Realizadu intre su 1899 e su 1901 subra de progetu de s'ingenieri Dionigi Scano, s'imponet pro sa sèrie de arcadas chi formant sas aberturas de su pranu terra, torradas a leare in asse de sas ventanas de sos tres livellos soprastanti, cadaunu cun unu ricu aparatu decorativu e cun curridores in parte sporgenti, in parte a filu de sa fatzada. Ambas fatzadas sunt cursadas in manera verticale de lesene a fascas cun capitellu iònicu, chi devenint prus ladinos e importantes in sa giuntura de s'àngulu. Rica in manera piessigna est sa fasca decorativa sutastante su cornicione aggettante, realizada in cotu cun ovoli, dentelli e figuras feminiles. De singulare interessu est su ligàmene intre materiales diferentes comente a pedra, tzimentu e cotu.

Bibliografia
M. Pintus, "Architeturas", in Casteddu Bighinados istòricos. Marina, Cinisello Balsamo, A. Pitzos, 1989, pp. 132-133;
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 22;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 34.