Casteddu, Caserma Carlo Alberto

S'edifìtziu si còllocat subra de sa dorsale calcàrea chi si congiunghet a sa punta ue pesat su bighinadu istòricu de Castello.
Sa caserma fiat istada costruida in su 1846 subra de disinnu de su genovesu Domenico Barabino, majore de su Gèniu militare, in s'apranada mutida de San Lorenzo. Inoghe finas a su 1740 s'artziaiat una biddighedda in sa cale s'aberiat sa gai narada Ghenna Reale, progetada dae s'architetu militare torinesu Felice De Vincenti.
Su Barabino aiat curadu sos aspetos logìsticu-militares sena discuidare su decoru urbanu in sa caraterizatzione monumentale de sa longa fatzada subra de viale Buoncammino.
Sos edifìtzios de sa caserma fiant istados costruidos a òpera de sos "zappatori de su Rennu" e aiant acasagiadu in manera provisòria sa biblioteca militare de Presìdiu de Casteddu. Oe sunt sede de sa Politzia de Istadu.

Bibliografia
S. Naitza, Architetura de su tardu '600 a su classitzismu purista, collana "Istòria de s'arte in Sardigna", Nùgoro, Ilisso, 1992, p. 246.