Casteddu, Càmera de Commercio

S'edifìtziu chi acasàgiat sa Càmera de Commercio òcupat sa parte prus arta in su chirru O de su largu Carlo Felice, a sa lestra definidu dae su sutzessivu fràigu, intre su segundu e de tres dècadas de su Noighentos, de sos palatzos pro sa Banca Cummertziale e pro su Bancu de Nàpule.
Sa fatzada de sa Càmera de Commercio fiat istada pessada a inghìriu a su 1915 de Luca Beltrami, famadu architetu e dotzente de architetura a s'Acadèmia de Brera e a su Politecnicu de Milanu. Lu progeto, a su cale aiat collaboradu s'ingenieri G. Battista Casati, fiat istadu realizadu intre su 1923 e su 1928 de s'ing. Riccardo Simonetti, chi aiat curadu fintzas sa revisione de sos internos.
Si tratat de un'edifìtziu isvilupadu subra de tres pranos cun aberturas simmètricas in manera perfeta, ma cun finiture diferentes in cadaunu de issos: a arcu in su primu, cun tìmpanos e curridores in su segundu, prus simpres in s'ùrtimu. Su cornicione si concruit cun duas còpias de vasos ornamentales pro chirru.
Un'iscala chi s'isvilupat sinuosamente cun bellas barandìllias in ferru adobbadu giughet a sos pranos superiores, ue particulare rilievu tenet sa sala de sas cunferèntzias chi acasàgiat unu mannu pintadu de Filippo Figari e est arredada cun mobilio in istile Noighentos sardu.
Su grandu salone de su pranu terra, chi durante su règimene fascista (cando si mutiat Palatzu de su Cussìgiu de s'Economia) acasagiaiat a fitianu espositziones e mustras, est in parte alteradu dae sas netzessidades de oe.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
M. Pintus, "Architeturas", in Casteddu Bighinados istòricos. Stampace, Cinisello Balsamo, A. Pitzos, 1995, pp. 117-119;
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 30;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 55;
F. Masala, Architeturas de carta. Progetos pro Casteddu (1800-1945)Casteddu, AM&D, 2002, pp. 189-190, 282.