In Light of Being - Nella Luce de s'Èssere

Sighit, a su Museu Diotzesanu Arbaresu de Aristanis, sa mustra In Light of Being - Nella Luce de s'Èssere, inaugurada su 15 làmpadas, una personale de s'artista Cate Woodruff, chi bivet e traballat a New York e chi at seberadu sa Sardigna e sa lughe sua comente a fonte de ispiratzione.

Lughe, colore e energia sunt sos temas tzentrales de custa espositzione curada dae Paola Mura, in cale cada òpera paret risplendere de lughe pròpia. Sas creatziones de Cate Woodruff illùminant s'ispetadore, cumbidende·lu a esplorare su cuntzetu de energia ispirituale e divina chi ligat cada èssere umanu.

“B'at una lughe chi nch'inghìriat e in cale semus atzufados, un'energia chi nche permea e in cale esistamus, chi vibrat intre un'ogetu e sa pessone chi lu càstiat, chi non separat e non tenet forma o làcanas, ue esistet s'unidade de s'universu. Custu chirca sa mirada e sa fotocàmera de Cate Woodruff, artista multimediale istadunidensa, chi at agatadu in sa lughe intensa de s'ìsula nostra una fonte noa de ispiratzione pro s'arte sua”, iscriet sa curadora Paola Mura, “sosn unu solu iscatu, paga postproduzione, Cate isperimentat geometrias etèreas, colores chi isfumant sos uni in sos àteros: retratos de ogetos chi ischis esìstere, ma non podes individuare. Sa lughe si rivelat rugrende tassas, tzitzios de bidru e vàrias lentes autoprodùidas chi Woodruff impreat comente a filtru”. In Light of Being. Nella Luce de s'Èssere est fintzas una tzelebratzione de su tempus pretziosu coladu dae s'artista in Sardigna, ue, narat “agato ditza e istraordinària bellesa in sa lughe, in su paisàgiu, in sa vida e in sas pessones, a cales apo a èssere pro semper agradèssida"

A sa lughe de su Mediterràneu e de sa tzitade Arbaresa, chi acasàgiat sa mustra in su Museu Diotzesanu, sunt dedicadas sas òperas suas prus reghentes, realizadas durante sa permanèntzia in preparatzione de custa mustra: òperas chi tzèlebrant sa “lughe” nostra.

Sa mustra at a èssere visitabile su mèrcuris de sas 10:00 a sas 13:00 e de su giòvia a sa domìniga de sas 10:00 a sas 13:00 e de sas 17:00 a sas 20:00, finas a su 25 austu 2024.

Tag

Inizio:

2024-06-15

Fine:

2024-08-25

Scheda dello spettacolo:

Cate Woodruff est un'artista reconnota livellu internatzionale, sas òperas fotogràficas suas sunt istadas achiridas dae numerosas colletziones pùblicas e privadas in sos Istados Unidos e in Europa, sunt presentes in sa colletzione de su Tzentru Internatzionale de Fotografia e a su MoMA de New York. Sa formatzione sua est in àmbitu teatrale: at istudiadu in sa London Academy of Music and Dramatic Arts, a su Theatre Conservatory de s'University e a s'Institute for Advanced Theatre Training de Harvard. Trasferida a s'East Village de New York in su 1980 pro traballare in su teatru isperimentale, at aviadu sa chirca autodidata sua in sas artes visivas e in sa fotografia, collaborende cun su legendàriu fotògrafu de moda Gösta Peterson. Sas installatziones suas de grandu formadu sunt in mustra in manera permanente a su Langone Science Center e in su tzentru ortopèdicu de sa New York University. Un'òpera sua est como in oru de su navieddu OSIRIS-Rex de sa NASA, in unu biàgiu in su cosmo chi at a durare millènnios. Woodruff at espostu in Itàlia pro sa prima bia in Itàlia a Casteddu, ue est istada artist-in-residence acanta sa Gallery PMA, in s'istiu 2016. In su 2018 sas òperas video suas sunt istadas espostas acanta su Tzentru de arte e Cultura Castello de San Mighele in sa mustra “Trasparèntzias de Coladòrgiu”, in su 2019 acanta sa Fundatzione Bartoli Felter in sa personale Light at Hearth, in su 2022 a Manca Ispàtziu-Nùgoro cun sa personale Touch the Light.

Contatti struttura:

Museu Diotzesanu Arbaresu
Piatzat Crèsia majore,1 – 09170 Aristanis ((OR)
Curreu eletrònicu: info@museodiocesanoarborense.it
Giassu Web: https://www.museodiocesanoarborense.it/
Facebook: https://www.facebook.com/p/museo-diocesano-arborense-100063577899761/?locale=nl_be
Instagram: www.instagram.com/museo_diocesano_arborense
Tel.: +39 3425887847

Aggiornamento

21/7/2024 - 13:10

Dove si trova

Commenti

Carica altri

Scrivi un commento

Invia

Altri eventi in questo giorno

Visualizza Tutti

Evento

8 Aus 2024 - 16 Aus 2024

"A Love Supreme"

Avviata la trentasettesima edizione di Time in Jazz, il festival internazionale diretto e fondato da Paolo Fresu

Evento

5 Aus 2024 - 14 Cab 2024

Bisiones Sardas a Rebeccu

Su giòvanu tzìnema isolanu at a èssere presentadu su 5 austu in s'àmbitu de su Fèstival MusaMadre. Sa rassegna de curtzumetràgios "Bisiones Sardas" est istada, difati...

Evento

1 Aus 2024 - 1 Cab 2024

ARTango&Jazz Fèstival

Dae su 1 austu a su 1 cabudanni a su bia su XV ARTango&Jazz Fèstival...