Villacidro, Crèsia de San Sisinnio

Crèsia de Santu Sisinnio. Foto de Ufìtziu Istampat RAS, de Sardigna Digital Library

Sa crèsia de San Sisinnio est una de sas crèsias de su campu prus ammajadoras de s'intrea Sardigna, in su birde de unu boschetto de olivastri seculares a sas pende·nos de su cumplessu granitco-scistoso de su Monte Linas (m 1236).
Sa crèsia de su campu de San Sisinnio fiat istada fraigada in sa prima metade de su sèculu XVII, cun probabilidade subra de sos restos de unu prus antigu edifìtziu, gràtzias a s'annoadu zelu pro su Santo. Difatis s'artzipìscamu Francisco de Esquivel aiat donadu unos ossos de su corpus de San Sisinnio a su canònicu de Villacidro, a pustis de s'"imbentu" (acatamentu) de sas ispògias de su Santo in una crèsia casteddàia.
S'edifìtziu a s'internu est costituidu dae un'ùnica navada cun cobertura de linna. A s'esternu est chintu subra de tres chirros de unu loggiato chi imbarat subra de pilastros cun capitellos de assemprat diferente.
In Campidanu medas de sas crèsias de su campu, imbenientes a sos paisos, sunt inghiriadas dae sos porticati pro amparare sos fideles de sos rajos de su sole. In prus, durante sas dies de sa festa annuale, est costruidu unu grandu suplementu de amparu cun frasche.
Sa fatzada tenet coronamentu orizontale ornadu dae merlature cun portale squadrato e subrastante abertura tzirculare in asse. Su campanile a vela a duos fornici acabat cun unu tìmpanu subra de cale est posta una rughe metàllica.
Si tenent noas de unu fogu dolosu chi, in su 1921, aiat distruidu s'altare majore in linna e sa cobertura de linna a capriate. S'edifìtziu fiat istadu restauradu giai partinde dae su 1922 essende sìndigu Alagna e pàrracu don Ortu, comente a ammentat una tumba posta a s'internu de sa crèsia.

Istòria de sos istùdios
Noas relativas a sa crèsia de San Sisinnio s'agatant in numerosas publicatziones subra de Villacidro.

Bibliografia
F. Cherchi Paba, "Villacidro e Guspini", collana Quaderni Storici e Turistici di Sardegna, Cagliari, 1969;
T. K. Kirova - A. Tramontin - A. Bergamini, "Architetture della religiosità popolare nella Sardegna del XVII secolo", in Arte e cultura del '600 e del '700 in Sardegna. Atti del Convegno Nazionale, Napoli, 1984;
Dizionario Iconografico dei patroni e dei santi della Sardegna, Cagliari, 2004.

Comente arribbare
Subra de sa SS 196 a su Km 22,4, acudende dae Bidda Sorris e superadu su bìviu de "S'Acquacotta", s'istacat sa variante chi, passada s'istatale e su riu Lenos, cunsentit de artziare (Km 5,1) a s'abitadu de Villacidro. De s'intrada de su paisu si sighint sos indicos pro "Montimannu" e posca, a su primu bìviu a manca, pro "San Sisinnio" (Km 3 belle).