Sòssu, Biddas - Museu de sos bidditzolos abbandonados de sa Sardigna

S'ispàtziu, acasagiadu a su segundu pranu de su Palatzu Baronale de Sòssu, est su primu museu in Itàlia dedicadu a su tema de su spopolamento e de s'abbandonu de sos tzentros abitados, unu filu ruju de s'istòria de sa Sardigna e de medas àteras regiones mediterràneas. Un'unicum a livellu natzionale, s'Istòria e s'archeologia contadas a traessu de trastos interativos pro favorire su connoschimentu e fissare sa memòria esperienziale de cantu vistu, bìvidu e imparadu in custu ispàtziu de museos.
Sos visitadores, chi ant a èssere acumpangiados dae sas ghias espertas de sa Cooperativa Sarda de Archeologia Medievale, ant a tènnere s'oportunidade de fàghere unu biàgiu a redossu in su tempus pro iscobèrrere sos protzessos caraterìsticos de su spopolamento de s'ìsula de s'edade cuntemporànea finas a su Medioevu, a traessu de sa narratzione de su bidditzolu medievale abbandonadu de Geridu, s'ùnicu in Sardigna a èssere istadu fossadu in estensione. A Geridu etotu est dedicada una sala de su museu, ue sunt acraridos sos resurtados printzipales de sas chircas a oe giutas in custu bidditzolu, a traessu de ricostrutziones e fainas chi cunsentint a su visitadore de bìdere e apretziare deretu sos resurtados de in prus de 20 annos de istùdios.

Ca est importante a lu bisitare
Su museu mèritat una bìsita ca cumbidat a riflètere subra de una temàtica semper prus atuale in su mundu e in s'ispetzìficu in Sardigna.
Su visitadore, atzufadu in ricostrutziones, imàgines, sonos e paràulas crae, est acumpangiadu, a traessu de unu biàgiu a redossu in su tempus, in un'esperièntzia ùnica chi mìria a resonare subra de su fenòmenu de su spopolamento individuende las istaret problemàticas de su medioevu a s'edade cuntemporànea.