Silanos, Cumplessu de Santa Sabina

Cumplessu de Santa Sabina. Foto de Bruno Manunza, de Sardigna Digital Library

S'àrea archeològica, chi cumprendet fintzas sa crèsia medievale de Santa Sabina (Santa Sarbana), est situada in sa pranura de Silanos, in su Màrghine, regione de sa Sardigna tzentru-setentrionale.
Su cumplessu est costituidu dae unu nuraghe, unu bidditzolu, una tumba de gigantes e unu putzu sacru. Sa presèntzia de sa crèsia de Santa Sabina (de època medievale ma totora meta de devotzione populare) documentat sa contiguità de testimonias de èpocas diversas e s'insistèntzia de su caràtere de sacralidade de su logu de tempos remotos meda finas a oe.
Su nuraghe, monotorre (diàmetru m 12,60; artària resìdua m 8,60), est realizadu cun blocos de predamolina de grandu dimensiones, rifinidos cun majore cura in sas partes artas de su paramentu. S'intrada, orientadu a sud (larghesa m 1,20; artària m 1,82), ponet in unu passadissu (larghesa m 1,20; longària m 5,00) cun bòveda digradante cara a s'intrada a sa càmera e cun muros aggettanti. In su muru deretu de su passadissu s'aberit una nitza de passadissu sub-retangulare cun ghenna a forma de trapètziu architravata, mentras a manca est su vanu-iscala, cun intrada a forma de trapètziu architravato (larghesa m 1.05, artària m 2,37) e setzione ogivale (largezza mèdia de m 1.00, artària de m 3,88); s'iscala est percorribile finas a s'atuale tzima de sa turre e presentat una feritoia retangulare (m 0,30 x m 0,36). Su passadissu ponet in sa càmera tzentrale, de fundu tzirculare (diàmetru m 4,15), chi cunservat sa cobertura a ogiva (artària m 8,35) e tres nitzas in muru dispostas a rughe.
Su nuraghe est datàbile a su 1600-1000 a.C.
In s'àrea antale su nuraghe e in s'oru de sa cresiedda de Santa Sabina sunt individuàbiles sos rastros de su bidditzolu nuràgicu, costituidu dae cabannas a fundu tzirculare. S'abitadu fiat istadu torradu a impreare in època romana.

Istòria de sos iscavos
Su nuraghe est istadu de reghente fossadu a cura de sa Soprintendenza pro sos Benes Archeològicos de sas provìntzias de Tàtari e Nùgoro.

Bibliografia
V. Angius in G. Casalis, Dizionario geografico, storico, statistico, commerciale degli Stati di Sua Maestà il Re di Sardegna, XX, 1850, p. 138;
Ministero della Pubblica Istruzione, Elenco degli Edifici Monumentali, Roma, Tip. Operaia Romana Cooperativa, 69, 1922, p. 157;
A. Taramelli, "Foglio 205 (Capo Mannu)", "Foglio 206 (Macomer)", in Edizione Archeologica della Carta d'Italia, Firenze, Istituto Geografico Militare, 1935, p. 12, n. 24, p. 13, n. 24a, 25;
C. Zervos, La civilisation de la Sardaigne, du début de l'énéolithique à la fin de la période nouragique : 2. millenaire, 5. siecle avant notre ere, Paris, Cahiers d'art, 1954 (ed. italiana: Sassari, Carlo Delfino, 1980), p. 47, fig. 19;
A. Moravetti, Ricerche archeologiche nel Marghine-Planargia. Il Marghine - Monumenti, Parte prima. Sassari, C. Delfino, 1998 (Sardegna archeologica. Studi e monumenti; 5), pp. 533-538;
A. Moravetti, Ricerche archeologiche nel Marghine-Planargia. La Planargia – Analisi e monumenti, Parte seconda. Sassari, C. Delfino, 2000 (Sardegna archeologica. Studi e monumenti; 5).

Comente arribbare
Si lassat sa SS 131 a s'artària de Macumere, pro imboccare sa SS 129. Subra de sa s. s'adobiat su bìviu pro sa SP 6 conca a Silanos. Superadu su tzentru abitadu si sighint sos indicos pro su nuraghe e sa crèsia de Santa Sabina, aorados in abertu sartu.

Tag

Categoria Struttura: Monumentu o Cumplessu monumentale

Tipologia Contenuti: Cumplessu archeològicu
Archeologia
Architetura religiosa

Fruibilità: Abertu

Provincia: Nùgoro

Comune: Silanus

Macro Area Territoriale: Tzentru Sardigna

CAP: 08017

Indirizzo: SS 129 - via di Santa Sabina, s.n.c.

Telefono: +39 329 5753145 +39 070 2056630

Email: visitsilanus@exemplarte.it

Sito Web: visitsilanus.it/santa-sabina-e-il-nuraghe

Facebook: www.facebook.com/people/Visit-Silanus/61590774479865

Instagram: www.instagram.com/visitsilanus

Informazioni sui biglietti e sull\'accesso: Pro tènnere informatziones semper agiornadas subra de oràrios de bìsita e costu de sos billetes si cussìgiat de bisitare sa pàgina web dedicada in su giassu de su gestore.

Modalità di accesso: a pagamentu

Aggiornamento

28/10/2026 - 12:23

Servizi

Visite guidate