Sassari, Crèsia de su Sacru Coro

Gràtzias a s'isvilupu suo in artària sa crèsia de su Sacru Coro s'imponet in sa pratza printzipale de su bighinadu populare impiantato a s'in cuddae de su ponte de Rosello a inghìriu a su 1925.
Sa crèsia fiat istadu recherta dae s'archipìscamu Mazzotti a s'architetu Ambrogio Annoni, dischente de Camillo Boito e Luca Beltrami, illustre rapresentante de su restàuru istilìsticu.
Esistent duas versiones progetuales (1936 e 1937), ma su fatu costrutivu, cumintzada cun sa prima pedra posta su 1943, aiat lòmpidu a sa beneditzione de s'edifìtziu in su 1952 pro si concruire petzi in su 1969 cun s'ala decorativa.
S'edifìtziu tenet una fatzada retilìnea cursada dae lesene e retundada in sos àngulos laterales, cun unu campanile chi s'innalza in asse cun su portale, diminuende in manera progressiva sa base cuadrada sua cun tres volùmenes subrapostos. A s'internu una navada ùnica s'aberit in larghesa a manu a manu chi s'acùrtziat a su presbitèriu.
Sos interventos decorativos sighint unu pranu dotrinale unitàriu, culminante in sa meditatzione evangèlica subra de su Sacru Coro: nd'est autore su pintore Costantino Spada, chi ultres a realizare sos afriscos e diversas palas de altare (1960-68), aiat frunidu sos cartones pro sas vetrate (realizadas dae Giuliani, Roma 1961-64) e sos mosàicos.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria dellarte in Sardigna" subra de s'architetura oto-novecentesca (2001).

Bibliografia
"Progetto per una Chiesa parrocchiale in Sassari", in Case d'oggi, 1936, 9, p. 36;
"Una chiesa a Sassari", in Case d'oggi, 1937, 1, pp. 23-24;
F. Masala, Architettura dall'Unità d'Italia alla fine del '900. Nuoro, Ilisso, 2001, scheda 78.