Santu Antiogu, Museu de su Bisso de Chiara Vigo

Su museu laboratòriu est atzentradu subra de sas tècnicas de traballadura e subra de s'espositzione de manufatos de bisso, nòdidu comente a seta de mare, tessutu derivadu dae sos filamenti bogados dae sa conchiglia bivalve Pinna Nobilis. Chiara Vigo, chi est su coro e s'ànima de su museu-laboratòriu, est unu Maestro de tessidura antiga chi mantenet bios connoschimentos eredadas pro trasmissione direta e familiare, unu patrimoniu materiale e immateriale chi colat de Maestro in Maestro dae medas generatziones.
In sas suas unas setanta tele - medas cunservadas a Santu Antiogu, unas cantas espostas in museos comente a su Museum der Kulturen de Basilea o su Museu Natzionale de sas Artes de Roma - si reconnoschent disinnos tramandados de generatzione in generatzione: leones a defensa de sas fèminas, pavoncelle a defensa de sa paghe, àrbores de sa vida, sentidos de terra e abba, lunas e navieddos nuràgicos. Totus de su significadu simbòlicu. Sunt realizadas subra de unu telàrgiu antigu meda manuale cun ordidu de linu e trama de bisso tèssida cun sas ungras.
De su 2005 innumerevoli visitadores de totu su mundu si sunt giutos in Sardigna pro bisitare su museu de su bisso: su 'museu bividore' de su Maestro Chiara Vigo, pro l'ascurtare e ammirare sa colletzione sua de traballos, puru la bìdere a s'òpera in su creare sa seta de su mare (testos estrapolati de su situ ufitziale de Chiara Vigo).

Ca est importante lu bisitare
Unu percursu-biàgiu a s'internu de una cultura ùnica, de si realizare sighende unu sùtile e pretziosu filu de seta marina. Una narratzione-letzione, sa de Chiara Vigo e de sas òperas suas, chi spazia de riferimentos genealògicos, istòricos e antropològicos a una sorta de filosofia ispirituale de sa natura. Unu connoschimentu millenàriu e sapiente chi si trasmitet in manera leve, a traessu de sa memòria, e petzi pro bia orale, in sa cumplessidade sua.
Una bisione creativa ue est in manera eguale importante s'amparu de s'ambiente naturale e sa perpetuazione de sa traditzione de sa tessidura de su bisso. Un'esìstere subra de sa terra e in su mare chi si realizat a traessu de su connoschimentu de binti, propiedade de sas erbas e biologia marina, sighende sas tramas cumplessas de unu sùtile filu de bisso.