Onieri, Necròpoli de Brodu

Sa necròpoli est fossada a sas pende·nos de unu montigru trachitica, a su de suta de su Nuraghe Brodu, in su Nugoresu, regione de sa Sardigna tzentrale.
Su cumplessu est costituidu dae bator ipogeos a isvilupu planimètricu pagu articuladu. Sa tumba I est assentada dae una tzella a fundu ellìticu cun a su tzentru duos pilastros, unu de sos cales non rifinidu. Sa tumba II, in manera grave iscalabrada, est de difìtzile definitzione, pro cantu siat possìbile individuare in sa bòveda s'imitatzione de unu cobertura a unu spiovente.
Sa tumba III, a isvilupu pluritzellulare, presentat unu vestìbulu de su cale s'atzedet a un'anticella. Subra de su muru de fundu de s'anticella s'aberit unu portellu chi ponet in sa tzella tzentrale. Su portellu est iscumpassadu dae una tripla protome bovina in rilievu. Sa tzella, prus ampra de sos unos àteros ambientes, presentat longu sos chirros de sos vanos torrados a pesare, mentras subra de su muru de fundu s'aberit s'intrada a unu vanu segundàriu coassiale. Sos muros de s'ipogeu ammustrant rastros de pintura ruja. Sa tumba IV est de seguru s'interru prus interessante de su cumplessu pro sa presèntzia de elementos simbòlicos isculpidos a sos muros. S'interru tenet un'isvilupu planimètricu a "T" e est pretzèdida dae unu "dromos" (lungh. m 4,50); sighit un'atrio chi ponet in un'anticella cuadrangulare, cun bòveda a unu spiovente, in sa cale muru de fundu s'aberit unu portellu (alt. m 0.71; largh. m 0,84) chi giughet a sa tzella tzentrale. Su portellu presentat una curnisa isculpida in rilievu e est iscumpassadu dae bator corna bovinas istilizadas inscritte sas une in sas unas àteras (alt. m 1,52; largh. m 1,09-1,28). Sas superfìtzies de sos muros presentant rastros de colore ruju. Subra de sos muros laterales de sa tzella tzentrale s'aberint duas intradas chi dant atzessu a duas tzellas sussidiàrias. Sa necròpoli presentat fases de cultura Otieri (3200-2800 a.C.), de su Vasu Campaniforme (2100-1800 a.C.) e de Bunnànnaru (1800-1600 a.C.).

Istòria de sos iscavos
Informatzione non disponìbile.

Bibliografia
A. Taramelli, "Foglio 207: Nuoro", in Edizione della carta archeologica d'Italia, 4, Firenze, Istituto geografico militare, 1931, p. 66;
E. Contu, "Ipogei con corna sacrificali plurime di Bròdu (Oniferi, Nuoro)", in Rivista di scienze preistoriche, XXI, 1, 1966, pp. 195-200;
V. Santoni, "Nota preliminare sulla tipologia delle grotticelle artificiali funerarie in Sardegna", in Archivio storico sardo, XXX, 1976, pp. 14, 21, 41-42, 44, 46, 48;
G. Tanda, L'arte delle domus de janas nelle immagini di Jngeborg Mangold, (Sassari, 26 aprile-25 maggio 1985), Sassari, 1985, pp. 162-164.

Comente arribbare
Dae s'abitadu de Onieri pigare su caminu in diretzione de Macumere e protzedire pro belle 2 km finas a sa rugrada cun sa SS 129; svoltare a manca e sighire pro 1 km, finas a su bìviu de Benetutti. Girare a dereta e sighire finas a su km 1; lassare sa màchina e protzedire subra de sa manca pro sos campos, giumpende unu trainu e torrende a artziare su pendio opostu ue sunt assetiadas sas domus de janas.