Porto Rotondo, Teatru a s'abertu

Porto Rotondo iscortzo de s'anfiteatru. Foto de Daniela Mascia, 2008, de Sardigna DL

Porto Rotondo est intre sos prus importantes insediamentos de su Cunsòrtziu Costa Smeralda, naschidu in su 1962, chi at a fundu trasformadu una zona de sa Gallura finu tando in manera iscassa pobulada. Sos diversos insediamentos fiant istados realizados in funtzione petzi turìstica mediante sa progetatzione e sa realizatzione de unu sistema definidu e autosufitziente a sos bisòngias de sos istràngios.
Inauguradu in su 1995, su teatru tenet orìgine de un'idea de s'iscultore Mario Ceroli, realizada dae sos architetos Gianfranco Fini e Marina Sotgiu.
Est formadu dae una gradinata semitzircolare in granitu grezzo e de unu palcu in linna cun unu funda·las fissu in muratura, abertu subra de sa natura cun ventanas ''serliane'' a arcu e architrave: sunt ladinos sos richiamos a sos teatros antigos pro sa presèntzia de una ''frons scenae'' de sa traditzione romana.
Sas derivatziones de sa classicità sunt presentes fintzas in s'esternu a traessu de tìmpanos, arcos, obelischi de caràtere ornamentale, disegnados cun su granitu a cuntrastu cun sa pedra a blocos de su muru. Sos atzessos e sos chirros de su palcoscènicu sunt decorados cun sos inconfondibili profilos de Ceroli, chi incuadrant fintzas duos grupos de colunnas lineares e agigu sagomate, dispostos subra de sos oros de su palcoscènicu.
Su teatru, capatzu de 700 logos, acasàgiat ispetàculos de vàriu gènere, prus numerosos in cuncomitàntzia cun unos àteros avenimentos isportivos o culturales de sa Costa Smeralda.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de sa ''Istòria de s'arte in Sardigna'' subra de s'architetura oto-novecentesca (2001).

Bibliografia
F. Masala, Architettura dall'Unità d'Italia alla fine del '900. Nuoro, Ilisso, 2001, scheda 179.