Nùgoro, Litzeu clàssicu "G. Asproni"

S'edifìtziu s'agatat subra de unu lèbiu declivio in su coro de sa parte de tzitade realizada durante s'era fascista.
Lu progeto, redatadu dae s'ingenieri Giuseppe Pietrangeli in su 1928 pro contu de s'Ufìtziu Tècnicu de su Gèniu Tzivile, fiat istadu aprovadu in su 1930 e afidadu a s'ingenieri Giuseppe Bottiglieri pro unu totale acontzu chi riguardat mescamente s'aparatu decorativu, cunsideradu tropu costosu e chi cumprendet medaglioni, istemmas, rivestimentu bugnato.
S'edifìtziu est formadu dae duos avancorpi acostagiados a unu corpus tzentrale, unificados dae una curnisa subra de mensole, chi abbratzat tres chirros, ponende in evidèntzia su coronamentu a tìmpanos curvilinei. S'intrada est subra de sa mezzeria de su chirru in declivio.
Su fràigu s'acùrtziat a s'Arte Déco, visìbile mescamente in unas cantas minudas decorativas subra de sos diversos frontes e a s'internu de s'edifìtziu. Sos puntos prus significativos sunt duos: sa parte subrastante s'intrada printzipale cun unu rivestimentu in pedra sutaliniadu dae unu curridore, de una curnisa a triplice arcu e de unu fastigio chi giughet sa denominatzione de su litzeu, e su corpus de sa palestra cun elementos decorativos in istile geomètricu, chi at ripristinadu s'iscrita "O.N.B." (Òperat Natzionale Balilla) intre fortes polèmicas riguardu a s'oportunidade de torrare a leare unu richiamu a su fascismu. Fintzas sa burrada in ferru adobbadu amparada de pilastrini presentat unu gradevole trincu decorativu adecuadu a su fràigu, chi s'incrarat subra de su caminu chi daiat atzessu a s'istatzione ferruviària in antis de su trasferimentu suo in àtera parte de sa tzitade.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
F. Masala, "Sas tzitades sardas in su Ventennio", in Sas tzitades de fundatzione in Sardigna, a cura de A. Lino, Casteddu, CUEC, 1998, p. 194;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 85.