Mamujada, Menhir de Boeli - Ischit Perdat Pintà

Sa stele est collocada in una corte a sa periferia de Mamujada, tzentru de sa Barbagia de Ollolai, in sa Sardigna tzentrale.
Sa stele de Boeli, narada fintzas Ischit Perdat Pintà, est una grussa istàtua-menhir de granitu (alt. m 2,67; largh. m 2,10-1,30; spess. m 0,57) cun setzione a bellu-convessa e tzima lunada. Sas superfìtzies majores sunt ambas bene rifinidas. Cudda anteriora si caraterizat pro sa presèntzia de una fita decoradura influida: si tratat de motivos formados dae unu mìnimu de duos a unu màssimu de sete chircos concentrici - otentos cun intzisiones a setzione còncavu-convessa e a bellu-convessa - chi s'isvilupant a fùrriu a una coppella tzentrale (diam. cm 4/5; prof. cm 0,8). De custa ùrtima tenet cumintzu un'intzisione retilìnea chi segat totu sos chircos acabende in un'apenditze uncinata. Cumpletant sa decoradura 23 coppelle de diversas dimensiones chi s'addensano in s'ala superiora e in su setore inferiore mancu de sa lastra: in custa ùrtima ala sunt fossadas sete coppelle cun disponimentu a semichircu regulare a inghìriu a unu de sos motivos a chircos concentrici rugrados dae intzisione retilìnea. Sos sìmbulos sunt, cun bona probabilidade, de collegare cun sos cultos presos a sa fertilidade e a su tziclu de sa morte-rinàschida, peculiares de sa religiosidade de sas comunidades agrìculas de edade neolìtica. Sa presèntzia, in s'àrea in tundu a su logu de rinvenimentu de s'istàtua, de frammentos tzeràmicos cun sa decoradura tìpica de sa cultura de Otieri (3200-1800 a.C.), cunsentit de datare sa stele a custu perìodu.

Istòria de sos iscavos
Sa stele fiat istadu atzapada in manera casuale in su 1997 a Mamujada, in su cursu de sos traballos de fàbricu de una domo.

Bibliografia
M.A. Fadda, "Mamujada (Nùgoro). Localidade Ischit Conca 'e Ischit Emmina-Boeli-Istevene. Noas iscobertas de menhirs", in Bulletinu de Archeologia, n. 43-45, 1997, pp. 113-116.

Comente arribbare
Essire dae s'abitadu de Mamujada e sighire sos indicos pro sa SS 389. A sa periferia de su paisu sunt visìbiles, subra de sa manca, sos cartellos turìsticos pro cròmpere su monumentu. Sa stele s'agatat a s'internu de sa corte de su Bed & Breakfast omònimu.