Luras, Colletzione Forteleoni

Sa Colletzione, formada dae òperas in ortigu, est sistemada in s'abitatzione de sos ùrtimos trinta annos de vida de Tonino Forteleoni. Forteleoni, àbile meda artisanu, aiat collaboradu cun s'ÌSULA, partetzipende a numerosas mustras e biennales, e aiat insegnadu in su laboratòriu artìsticu-artesanale de sa setzione sugheriera de s'Istitutu pro s'Indùstria e s'Artesania de Calanzanus. Si fiat distintu pro àere introduidu de sas tècnicas chi mudaiant a fundu sos mètodos de sa traballadura artìstica de s'ortigu: in particulare su bassu-relevu e su mosàicu. Traballaiat su bassu-relevu cun simpres trastos: una pitica lama affilatissima, una raspa e de sa carta vetrata (bassu-relevu); aplicaiat sos tassellos de su mosàicu cun de sa cun sa e cun unu marteddu. Totu su restu fiat afidadu a s'etzetzionale manualidade sua e a sa fantasia chi lu giughiat a continas variatziones de istile, in una costante e esasperata chirca de su particulare e de sas infinidas gradatziones de colore ofertas dae sas vàrias alas de s'ortigu. Numerosas sas òperas, in prevalèntzia de sugetu religiosu: iconas e cuadros de sas ricas curnisas rivestidas de creta aorada, chi impreant su bassu-relevu, s'intzisione e su mosàicu; mascaras, pratos, cadreas, ispigros. Ma fintzas rivestimentos de cassapanche (in manera piessigna elaboradu unu frontale de gustu Liberty), testadas de letos, armàrgios, mesas. Sos pannellos esplicativos dispostos intre sas vetrinas chi acollint sos produtos de sa cultura traditzionale, tenent su còmpitu de fatzilitare sa "letura" de sos repertos espostos frunende a su visitadore informatziones essentziales subra de sos argumentos cales attengono sos materiales de museos, traduende·los in limbàgiu simpre e craru. Sas riprodutziones fotogràficas sistemadas in currispondèntzia de sos vàrios ogetos tenent sa fine de documentare pro cantu possìbile, tècnicas e modalidades de utilizatzione, in s'impreu pràticu de sos ogetos espostos. Aguales fines didàticos tenet su grandu pannellu dedicadu a sa tessidura traditzionale in sos suos diversos momentos e a sas operatziones preliminares de preparatzione de sa matèrias primas impreadas. A sos fines de unu prus fàtzile sebestu de sos vàrios cumponentes de su telàrgiu rapresentadu (telàrgiu orizontale) s'est provididu a los inditare cun nùmeros e a frunire ultres a su tèrmine italianu, sa denumenatzione locale. Sunt presentes barrieras architetònicas.

Ca est importante lu bisitare
Est importante ca si tratat fortzis de sa prus manna e ùnica colletzione a su mundu realizada subra de ortigu. In prus, sunt istadas espostas informatziones subra de sa vida sua, unas cantas òperas, sas tècnicas impreadas pro las creare, sos materiales impreados e unos àteros indicos chi agiuant a cumprèndere e apretziare mègius su traballu de s'artista de s'ortigu.