Luca Cubeddu

Gian Pietro Cubeddu, prus connotu cun su nùmene de Luca, fiat istadu autore de cumpositziones poèticas de ambientatzione clàssica, pastorale o rurale, chi ammentant sa poesia de sa currente baroca de s'Arcàdia.
Naschet e Patada in su 1748 e acumprit sos istùdios religiosos suos a Tèmpiu acanta s'istitutu de sos Scolopi. Est ordinadu satzerdote a s'internu de custu matessi òrdine e assumet su ruolu de istitutore e maistru de gramàtica. S'ìndula de su satzerdote fiat però prusaprestu vivace e, infadadu de sa vida monòtona de s'istitutu tempiese, Cubeddu aiat otentu su permissu de girare pro sas sedes de sos Scolopi in Sardigna. In manera cuntemporànea iscoberiat unu bonu ammàniu siat pro sa poesia estemporànea siat pro cudda iscrita. Sa rebellia interiore sua a s'òrdine chi l'aiat acollidu aiat agatadu sublimatzione etotu in sa poesia sarda, chi fiat devènnidu pro issu meda de prus chi unu passatempus: una resone de vida. Cun Cubeddu si cumintzat a faeddare pro sa poesia sarda de sa gai narada "Arcàdia", overas sa tendèntzia a sa subravivèntzia in Sardigna de stilemi e modellos fissos, in sa mètrica e in sos argumentos, de ambientatzione clàssica, pastorale o rurale. Una cristallizatzione chi in s'àmbitu de sa poesia "in limba" at a influentzare sos sèculos a bènnere. Intre sas òperas suas prus connotas, comente pro su Pisurzi, sunt subravìvidas a su tempus sos poemetti a isfundu morale chi torrant a leare favole antigas o temas clàssicos de su fàbricu morale. Intre sos tìtulos prus famados "Su cucu e ischit rùndine", "Ischit corrincia", "Su leone e s'ainu", "Si fit a modu de ti nde furare", "Ninfas sas pius bellas"; intre sos prus ammajadores Isculta Clori ermosa. Babbu Luca Cubeddu morit in Aristanis in su 1828.

Aggiornamento

10/3/2025 - 11:56