Sa de tres generatziones de cantadores

Su mundu cuntemporàneu de sas garas poèticas depet peleare cun duas emergèntzias collegadas intre issas. A un'ala s'aficu de su pùblicu de sas pratzas chi est ismenguende, a s'àtera su minimòngiu de talentos chi est divenende belle una "cosa normale". Ma s'istadu de sa gara poètica "a bolu" no est posca gasi tràgicu comente lu pintant sos pessimistas.
Su mundu cuntemporàneu de sas garas poèticas depet peleare cun duas emergèntzias collegadas intre issas. A un'ala s'aficu de su pùblicu de sas pratzas chi est ismenguende, a s'àtera su minimòngiu de talentos chi est divenende belle una "cosa normale". Ma s'istadu de sa gara poètica "a bolu" no est posca gasi tràgicu comente lu pintant sos pessimistas. Pro nàrrere sa beridade, mancari totu sas dificultades, custu mundu est galu bivu e biatzu.

Chentinas de biddas aparitzant galu ogni annu sas garas poèticas in sos palcos. Custu mercadu privadu si finàntziat a sa sola, aguantat e mantenet sas positziones. Cunforma a su chi narant sos cantadores matessi, totu sa Sardigna tzentrale mantenet biu e belle uguale s'interesse pro sa gara. Carchi sinnale de istrachesa s'iscumbatat pròpiu in Logudoro in ue est nàschidu custu ispetàculu.

Sa gara mancat belle che totu in sas realidades metropolitanas sardas. Mancu s'ispetacularizatzione televisiva de su folclore at agiudadu sos poetas: sos operadores televisivos cunsiderant de fatu sa gara unu gènere "infadosu" chi no agradat a su pùblicu sètzidu in domo. Ràdios e mèdios noos no ant galu valorizadu a prenu custu ispetàculu chi fintzas in s'àudio podet èssere apretziadu a manera fàtzile. Ma sa fine de sa gara "a lughe 'e luna" pro bona sorte est galu a tesu.

CANTADORES
Barore Budrone
Totoni Crobu
Peppe Sozu
Giuanne Seu
Bernardu Zizi
Antoni Pazola
Frantziscu Sale
Frantziscu Mura
Màriu Màsala
Àteros poetas