Igrèsias, Laveria Lamarmora - Mina de Nebida

Su bidditzolu e sos impiantos mineràrios òcupant un'ampra àrea cara a su mare.
Ativa finas dae sa metade Otighentos, sa cuntzessione minerària aiat favoridu sa nàschida de unu bidditzolu chi ancora oe cunservat sos rastros originàrios in sa piazzetta chi acollit s'infermeria, su tzìrculu de sos traballadores, sa palazzina de sa dirigèntzia. Sa palazzina de sos ufìtzios amministrativos apartenet oramai a privados e nointames sas alteratziones, mustra ancora sa curnisa a dentelli chi sighit totu s'andamentu de su fràigu a U e sas ventanas a arcu agudu chi torrant a leare s'istile neomedioevale, costumadu in medas insediamentos mineràrios.
Su manufatu prus istraordinàriu e tzertamente prus spettacolare pro sa positzione sua subra de su mare est sa laveria Lamarmora, realizada in su 1897 e oe cunservada in sas istruturas privas però de cobertura. Est un'edifìtziu costruidu cun pedra a bista chi s'isvilupat subra de unos cantos volùmenes subrapostos cursados dae grandu arcos e est cumpletadu dae duas artas ciminiere chi la signalant cun evidèntzia.
A sos pees de sa laveria subra de su mare sunt visìbiles sos furros de calcinazione.
Sa mina faghet parte de su Parcu Geominerario, Istòricu e Ambientale de sa Sardigna, reconnotu dae s'UNESCO.

Istòria de sos istùdios
Sos impiantos mineràrios de Igrèsias sunt mentovados in diversas òperas subra de s'archeologia industriale in Sardigna.

Bibliografia
F. Masala, "Architeturas mineràrias in Sardigna intre revivals e ecletismu", in S'òmine e sas minas in Sardigna, a cura de T.K. Kirova, Casteddu, 1993, pp. 115-126;
S. Mezzolani-A. Simoncini, Sardigna de sarvare. Paesàgios e architetura de sas minas, Nùgoro, Archìviu Fotogràficu Sardu, 1993, pp. 188-193;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 48

Comente arribbare
Sa mina prumu-zincifera est situada in su territòriu comunale de Igrèsias e si crompet deviende de sa SS 126 cara a Funtanamare.

Tag

Categoria Struttura: archeologia industriale

Tipologia Contenuti: Giassos o impiantos
Mina

Fruibilità: sitiadu non gestidu

Provincia: Sud Sardigna

Comune: Iglesias

Macro Area Territoriale: Sud Sardigna

CAP: 09016

Indirizzo: SP 83 Stazione Monteponi-Nebida

Informazioni sui biglietti e sull\'accesso: Sos esternos de s'impiantu mineràriu de sa laveria est visìbile liberamente a distàntzia de seguridade; si signalat chi s'acurtziare tropu a s'istrutura, o l'intentare de bos atzèdere, est perigulosu.

Informazioni sui servizi:

Aggiornamento

22/4/2024 - 20:09

Dove si trova

Iglesias, Miniera di Nebida Numero immagini: 7