Carzeghe, Domus de Pescialzu

Sa necròpoli est situada in sos sartos de su Tataresu, in sa Sardigna nord-otzidentale.
Sos duos interros ipogee de Pescialzu si caraterizant pro sa riprodutzione, subra de su fronte pedrosu, de elementos tìpicos de sas tumbas de gigantes nuràgicas: su spartito architetònicu de sa stele centinata e sas alas de s'esedra.
Sa tumba I est realizada a su tzentru de unu prospetu de roca (largh. m 6,50; alt. m 3,60) subra de su cale est fossada sa lunetta superiora de una stele (largh. m 1,33; alt. m 1,20; prof. cm 14) delimitada in bassu de unu listello trasversale (alt. cm 35) chi la separat de su ricuadru inferiore (largh. m 1,35; alt. m 1,30/1,35). A su tzentru de custu ùrtimu s'aberit su portellu de atzessu a s'interru (cm 65 x 95). S'intrada est acostagiadu dae una pesada de bancone-sedile (largh. cm 60; alt. cm 20/35). Unu passadissu (prof. cm 95), como ribassato, introduit in sa càmera retangulare (m 2,10 x 3,85 x 1,90) chi presentat subra de su muru mancu una nitza sopraelevata respetu a su livellu de su pamentu. Cunforma a s'I fintzas sa Tumba II riproduit subra de su muru de roca (largh. m 6,25; alt. m 3,20) su spartito centinato de sa stele formadu dae una lunetta, incumpleta in su setore superiore (largh. m 1,40; alt. m 1,25), separada dae su ricuadru inferiore (largh. m 1,40; alt. m 1,55) de unu listello orizontale (largh. cm 30). Su trincu superiore de su muru pedrosu riproduit s'isvilupu de sas alas de s'esedra e, in ala, de su tùmulu (prof. m 1,60). In manera lèbia arretrados respetu a sos cherbeddos-stele s'agatant tres istampos chi deviant cun probabilidade cuntènnere ateretantos betilini litici. Ancora unu cùrtziu passadissu (prof. cm 95) ponet in sa tzella tunda (m 3,35 x 3,35 x 2,60) chi cunservat subra de su muru deretu una nitza e sos sinnos de sa traballadura de sas superfìtzies esecutada cun unu trastu metàllicu. Sos interros si datant a su Brunzu Mèdiu.

Istòria de sos iscavos
Sas domus sunt istadas publicadas dae Editta Castaldi.

Bibliografia
E. Castaldi, Domus nuràgicas, Roma, De Luca, 1975, pp. 32-34, figg. 40-41, tavv. IX/I, II, III;
G. Lilliu, Sa tziviltade de sos Sardi de su paleolìticu a s'edade de sos nuraghes, Torinu, Noa FIAS, 1988, pp. 279-280.

Comente arribbare
Lassare s'abitadu de Carzeghe e pigare sa SP pro Fiolinas. Deretu a pustis de sas ùrtimas domos de su paisu, girare a dereta in unu caminu asfaltadu. La cursare pro unos 500 metros e bortare torra a dereta in unu caminu a fundu naturale. Sighire pro belle 1 km finas a arribbare a su muru pedrosu subra de sa cale sunt fossadas sas duas tumbas ipogeiche de Pescialzu.