Casteddu, Torre de sos Signales

Sa localizatzione de sa turre, suspesa intre chelu e mare subra de unu costone pedrosu de formatzione calcàrea, oferit unu panorama etzetzionale subra de totu su Golfu de sos Angeli. Dae inoghe est possìbile a abbistare totu sas turres de su Golfu de Casteddu, de Santu Efisio a s'Ìsula de sos Càules.
Sa turre de sos Signales de Calamosca fiat istada realizada intro su 1638, comente a resurtat de un'iscritzione a s'esternu, e est intre sas prus mannas in Sardigna.
Sa turre est costituida dae tres volùmenes: su primu, cumintzende de su bassu, est de forma troncoconica, artu 7 m, cun unu diàmetru inferiore de unos 17 m; su segundu est unu tzilindru artu 3 m cun unu diàmetru de 17 m; su de tres est ancora unu tzilindru artu 6 m cun 13,80 m de diàmetru.
Su pranu terra tenet una muratura spessa 3,3 m e est cobertu dae una grandu bia a cùpula arta unos 8 m e cun unu diàmetru de 11 m. A traessu de un'iscala interna s'àrtziat a su primu pranu, fintzas issu cobertu cun una bia a cùpula manna meda, arta 5 m e de su diàmetru de 12 m.
De su puntu de bista architetònicu e istruturale, sa turre s'agatat in òtimas cunditziones. Sos muros internos e esternas sunt intonacate, sas iscalas praticabili. A s'esternu, sa costumada modanatura a trau signat su coladòrgiu intre su volùmene troncoconico e su primu tzilindru. Sa segunda minuda - una modanatura posta subra de su finale de su primu tzilindru e formada dae unu guscio iscumpassadu dae unu listello - est prus pagu fitianu in sas fortificatziones sardas de su Seschentos.

Bibliografia
Sardigna, collana "Guida de Italia T.C.I.", Milanu, 1984;
P. Castelli, "Progetatzione de su sistema territoriale de difesa", in Arte e cultura de su '600 e de su '700 in Sardigna. Àutos de su Cunvegnu Natzionale, Nàpule, 1984;
G. Montaldo, "Apprestamenti difensivos costeris", in Arte e cultura de su '600 e de su '700 in Sardigna. Àutos de su Cunvegnu Natzionale, Nàpule, 1984;
G. Montaldo, Sas turres costeras in Sardigna, Tàtari, Carlo Delfino, Tàtari 1992.