Casteddu, Palazzina Scano

Su fràigu est situadu subra de un'irregulare fundu a C in sa tzima de sa ripida bia Pola a s'àngulu cun su cursu Vittorio Emanuele.
Lu progeto, cummissionadu dae s'ingegner Stanislao Scano a su nebode Flavio, est in manera cumprida realizadu in su 1933, a pustis de una partziale revisione de sa decoradura esterna. Pro custu edifìtziu su Scano si fiat serbidu de sa collaboratzione de s'impresa Ferrobeton, chi aiat cunsentidu de costruire sa prima òpera de edilìtzia privada de su totu in tzimentu armadu de Casteddu.
Sa palazzina unit una semplificatzione de volùmenes e istruturas de tipu modernu a unu repertòriu de imàgines ornamentales de gustu Arte Déco.
Su prospetu printzipale subra de su cursu Vittorio Emanuele tenet unu parallelepìpedu tzentrale, in manera lèbia sobradu, e duos blocos simmètricos laterales, de pare a pare subra de bator e tres livellos. In su corpus tzentrale est situadu s'intrada cun unu ricuadru dae tzimentu istucadu chi rafigurat, in rilievu, animales fantàsticos lantzados in cursa. A s'in subra tres longos arcos cuntenent sas ventanas cun parapetos decorados a motivos de marineri e bator urnas, poggianti subra de su cornicione chi delimitat su primu pranu.
Unu corpus semicilindrico cun bator semicolonne lisas a sa base risolvet s'àngulu, ammustrende ulterioras decoraduras, torradas a leare prus sobriamente fintzas in su chirru in pendèntzia subra de sa bia Pola.

Bibliografia
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 54;.