Casteddu, Palazzina Cherchi

Sa palazzina est situada longu sa bia San Saturnino n. 87, in una zona a impinna a su Terrapieno vinculada panoramicamente e si signalat pro sa cunservatzione agiumai intata respetu a su fràigu originàriu e pro sa sobrietà de su limbàgiu architetònicu impreadu, riferibile a su Ratzionalismu.
S'edifìtziu, realizadu intre su 1934 e su 1936 subra de progetu de s'ingenieri Adolfo Doccetti, s'isvilupat subra de una lèbia pendèntzia cun s'intrada laterale sovrastato de una longa ventana cun un'ùnica vetrata chi dat lughe a su vanu iscalas, in manera lèbia prus artziadu de s'edifìtziu e, a tempus suo, ogetu de una cuntierra riguardu a s'artària de su fràigu.
Su corpus printzipale s'àrtziat pro tres pranos cun ateretantas aberturas dispostas in assas e si concruit cun unu parapetu cun barandìllia metàllica. Sas ventanas sunt gerarchicamente distribuidas in su fronte e sutaliniadas dae curnisas de vàriu tipu e de discos decorativos intre su penùrtimu e s'ùrtimu livellu.

Bibliografia
G. Loddo, Casteddu. Architeturas dae su 1900 a su 1945. Casteddu, Coedisar, 1999, p. 82
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 101.