Casteddu, Tzitade de su Sale

S'ampru e interessante cumplessu pesat in un'àrea cumprèndida intre s'istagnu de Molentargius e sa marina de su Poetto, impreadu pro sa collida de su sale giai de Pùnicos e Romani e posca tzèdidu in su sèculu XI a sos mòngios vittorini.
Sa faina estrativa, sighida in su cursu de sos sèculos cun sas "corvées" de sos abitantes de sos paisos lacanàrgios e su traballu de sos fortzados, fiat istada interrùmpida in su 1985 a càusa de s'incuinamentu de s'àrea mutida Bellarosa Minore.
S'assentu atuale torrat a artziare mescamente a sos annos a inghìriu a su 1930 subra de initziativa de su Monopòliu de Istadu cun un'interventu progetuale dèvidu in màssima parte a su diretore de sas Salinas, ing. Vincenzo Marchi, chi aiat disegnadu siat sos logos de su traballu, siat sas residèntzias pro sos dipendentes.
Su primu fràigu est sa pitica crèsia de su Sacru Nùmene de Maria (1934), in formas neo-medievales, sighida dae sa palazzina unu tempus de sa diretzione, cun richiamos neogòticos mescamente in sas aberturas. Posca, in curtzesa de sa cabina elètrica, in matones rujos comente a totus sos àteros fràigos, s'aberit unu viale arboradu, cun una dòpia fila de "Ficus retusa", chi giughet a sa zona residentziale in una pratza interna ue pesant sas palazzine cun motivos decorativos Liberty.
A manca, si bidet s'ofitzina de sas locomotivas giai impreadas pro su trasportu de su sale, e, superadu su ponte, sa betza sede de su Dopolavoro de sos salinieri (1932), trasformadu in su Teatru de sas Salinas in su 1991. Sa sala de su teatru, costituida dae platea e balconata amparada dae una barandìllia in ghisa, est ornada cun sugetos clàssicos, repìtidos in sos muros e in sa bòveda a cassetones, chi incuadrant un'ampru ovato tzentrale. Sos locales de su dopolavoro sunt devènnidos sos ambientes de servìtziu de su teatru e acasàgiant fintzas una Biblioteca de s'Ispetàculu a disponimentu de su pùblicu.
Sighende longu su canale de bia de sa Palma, subra de sa d. sunt visìbiles sos impiantos sussidiàrios a sa traballadura de su sale e sa palazzina de sos sales seberados, sede de su Cunsòrtziu de su parcu naturale regionale Molentargius-Salinas, destinadu a gestire sa zona ùmida manna, e sos edifìtzios dismessi de sa traballadura de su bromu e de sos sales potassici, oramai esèmpios de archeologia industriale.
In su 1977 sa zona ùmida in tundu fiat istada insertada intre sos giassos reconnotos dae sa Cunventzione de Ramsar comente a habitat ideale pro s'avifauna.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
S. Pira-F. Masala-P. Tarantini-M. De su Piano, Sa tzitade de su sale, Casteddu, Stef, 1994, pp. 25-36;
G. Loddo, Casteddu. Architeturas dae su 1900 a su 1945, Casteddu, Coedisar, 1999, pp. 109-110;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 43

Comente arribbare
Sas salinas si crompent dae su sistema viàriu a impinna a su lungomare de su Poetto, in sa zona est de sa tzitade.

Tag

Categoria Struttura: Monumentu o Cumplessu monumentale

Tipologia Contenuti: Giassos o impiantos
Giassu ambientale

Fruibilità: Abertu

Provincia: Casteddu

Comune: Cagliari

Macro Area Territoriale: Sud Sardigna

CAP: 09126

Indirizzo: viale la Palma, s.n.c.

Telefono: +39 070 671003 +39 070 37919216 +39 070 341322

Email: info@apmolentargius.it documentazione@apmolentargius.it info@teatrodellesaline.it

Sito Web: www.parcomolentargius.it/index.php www.teatrodellesaline.it www.apmolentargius.it

Facebook: www.facebook.com/parcomolentargius

Twitter: twitter.com/Molentargius

ghennàrgiu - nadale

Mercoledì - Giovedì - Venerdì

09:00 - 13:00

Martedì - Giovedì

16:00 - 20:00

Informazioni sui biglietti e sull\'accesso: Pro sos servìtzios a su tzitadinu est netzessàriu a fàghere riferimentu a s'ente "Parcu Naturale Regionale Molentargius-Salinas" www.apmolentargius.it/contatti, pro su Teatru de sas Salinas si devet fàghere riferimentu a Akròama - Teatru Stabile de Arte Cuntemporànea www.teatrodellesaline.it/contatti

Informazioni sui servizi: Pro sos laboratòrios didàticos in presèntzia e pro sa didàtica online est netzessària s'aparauladura, de si fàghere mutende in manera telefònica o bia de curreu eletrònicu s'Assòtziu de su Parcu de Molentargius.

Altri servizi: In su Teatru de sas Salinas est presente e consultàbile sa "Biblioteca temàtica de s'ispetàculu".

Aggiornamento

4/4/2024 - 09:49

Servizi

Sala per la didattica