Casteddu, Campusantu monumentale de Bonaria

Su campusantu si tendet subra de sas pende·nos de sa punta calcàrea de Bonaria, àrea funerària finas dae s'edade romana.
Su campusantu monumentale de Bonaria est una grandu galleria de arte a s'abertu chi toddet sas isculturas de artistas sardos e de sa penìsula (Fadda, Sartorio, Sarrocchi, Galavoni) operadoras a Casteddu de sa segunda metade de s'Otighentos a sas primas dècadas de su Noighentos. S'annovera una singulare variedade de istiles, de su neoclassitzismu, a su realismu, a su simbolismu finas a su Liberty.
S'àrea fiat istada in manera pretzedente impreada comente a necròpoli giai in sa fase pùnicu-romana e paleocristiana. In antis de s'istitutzione de su campusantu, a Casteddu s'interraiat in sas crèsias o in sas àreas deretu lacanàrgias, a s'ispissu cun rilevantes problemas igiènicos. Giai durante s'epidèmia de colera de su 1816 fiat istadu netzessàriu reperire de apretu unas cantas àreas lacanàrgias a sa tzitade de impreare a logu de interru tzitadinu. Su campusantu fiat istadu progetadu dae su capitanu de su Gèniu Luigi Damiano e inauguradu su 1 ghennàrgiu 1829. A in pessu chi trinta annos de s'inauguratzione, su campusantu fiat giai insufitziente pro custu si fiat dadu su mandadu a s'architetu Gaetano Cima de progetare unu primu ampliamentu, cale aiant sighidu àteros ancora chi aiant giutu s'àrea a cròmpere su cùcuru de sa punta.

Bibliografia
A. Romagnino-L. Siddi-R. Badas-E. Borghi-L. Desogus, Bonaria. Su campusantu monumentale de Casteddu, Casteddu, 2000.