Casteddu, Bastione Saint-Remy

S'iscenogràficu edifìtziu, chi s'incrarat subra de sa pratza Costitutzione, tenet su còmpitu de collegare su Casteddu cun sa parte bassa de sa tzitade e est su resurtadu de su spianamento e de sa riutilizzazione de sos antigos bastiones de s'Isprone e de sa Zecca, costruidos dae sos Ispagnolos in sa segunda metade de su Chimbighentos.
Su Bastione Saint Remy, realizadu intre su 1896 e su 1902, est dèvidu a sos ingenieris comunales Fulgenzio Setos e Giuseppe Costa subra de un'idea giai prospettata a metade Otighentos de s'architetu Gaetano Cima.
S'iscalone printzipale, longu e movimentadu, s'isnodat de sa pratza Costitutzione cun diversas pigadas chi si riunint a mesu artària in unu pianerottolo chi dat intrada a sa Passigiada coberta. Custa s'isvilupat subra de su chirru longu su viale Regina Elena cun ampros e luminosos ambientes, pintados cun colores vivaci e aia serradu de grandu arcadas cun infissi collocados petzi in su 1985.
Suta de unu mannu arcone chi dòminat totu su fràigu s'agatat un'ulteriora iscala cun duas pigadas tzirculares chi giughet finas a sa Terratza Umbertu I de sa cale si gosat un'amprosu panorama subra de sa tzitade e versu su mare. S'ampru piatza·las presentat àteras duas pigadas chi giughent a su sutzessivu bastione de Santa Callina, subra de su cale s'incrarat s'omònima iscola elementare.
Fiat istadu vivacissimo logu de vertice e de addòbiu finas a sa segunda gherra mundiale cando fiat istadu in manera violenta bombardadu e semidistrutto. In su pustisgherra fiat istadu ripristinadu segundu su disinnu originale.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
F. Masala, "Ispàtzios urbanos", in Casteddu Bighinados istòricos. Castello, Cinisello Balsamo, A. Pitzos, 1985, pp. 43-55;
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 20;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 21.