S'Alighera, Villa Santa Elia

S'edifìtziu s'agatat a foras de s'abitadu bighinu a su lungomare Valencia, in sa localidade mutida Las Tronas ("sos pulpiti") pro sa forma cùbica de unos cantos iscòglios. Giai apartentu a sa famìlia piemontesa Arborio Mella de Santu Elia, fiat istadu bèndidu in su 1959 pro èssere destinadu a albergo.
Sa villa torrat a leare su modellu de su casteddu de tipu medievale, in manera ampra difùndidu in sas abitatziones sennoriles e in sas villas costruidas intre XIX e sèculu XX, cun riferimentos belle ladinos a s'architetura istòrica.
Sa villa Santa Elia est singulare mescamente pro s'inconsueta collocatzione in curtzesa de su mare e at subidu una sopraelevazione de duos pranos chi ant alteradu su volùmene e s'aspetu originàrios. Nointames custu, est ancora in manera perfeta visìbile s'ammenta de richiamos medievales comente a sas mèrulas chi concruint su cornicione de s'edifìtziu, sas ventanas cun arcos a ses agudu e sa torretta traditzionale. Sunt però presentes in su corpus prus piticu e bassu fintzas decoraduras de tipu clàssicu comente a sos tìmpanos chi sovrastano unas cantas aberturas.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
S. Serra, Villas e palatzos de sa nobilia in Sardigna, Casteddu, AM&D, 1997, pp. 32-33;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 14.

Comente arribbare
S'Alighera s'agatat a belle 37 km de Sassari, longu sa SS 127 bis.