Poesia a bolu

Cun sos faeddos sardos "poesia a bolu" s'indicat sa poesia orale improvisada de sos "cantadores", gasi comente si narant, poetas populares chi cantant in sas pratzas de Sardigna. De custa forma de arte rara nde gosat sa populatzione gràtzias a sa "gara", chi si faghet in sas festas pro sos santos patronos.
Cun sos faeddos sardos "poesia a bolu" s'indicat sa poesia orale improvisada de sos "cantadores", gasi comente si narant, poetas populares chi cantant in sas pratzas de Sardigna. De custa forma de arte rara nde gosat sa populatzione gràtzias a sa "gara", chi si faghet in sas festas pro sos santos patronos. Custa no est àteru chi una cumpetitzione poètica pùblica in ue ogni artista defensat unu tema chi li proponet su pùblicu.

Sos cantadores istant in pitzu de unu palcu, chi pro su prus abarrat in artu cunforma a sos ascurtadores, e presentant su parre issoro impreende su metru prus nòdidu de sa poesia sarda: "s'otada". In finitia de su sèculu coladu sa gara aparitzada no esistiat. Fiat istadu unu poeta otieresu de gabale, Antoni Cubeddu, chi aiat propostu de la regularizare a custa manera, apostivighende fintzas sa règula de providire a pagare sos artistas. Fintzas a tando sa populatzione s'ispassiaiat cun sa poesia a bolu in ogni ocasione pùblica o privada, ma no a manera istitutzionalizada.

Pro totu su Noighentos, e fintzas a oe in die, sos cantadores prus famados sunt in carchi manera divenidos sos "eroes" de sas populatziones de totu s'ìsula. Galu oe custas figuras "mìticas" meressent de èssere istudiadas e connotas pro sas virtudes artìsticas e personales issoro. Sas biografias, sas garas, sa produtzione poètica issoro sunt oe, a su mancu in parte, a disponimentu de totus.

Aggiornamento

11/5/2023 - 16:44