Mosàicu de sas emergèntzias istòricu-culturales

Su mosàicu de sas emergèntzias istòricu-culturales est un'istrumentu de iscumbatamentu de su patrimòniu identitàriu de sa Sardigna, chi si proponet comente aina base pro lèghere sos paesàgios culturales de s'ìsula, cunsighèntzia de sa firma de unu protocollu de intesa intre Regione, Provìntzias, Soprintendèntzias, Archìvios de Istadu.
Su mosàicu de sas emergèntzias istòricu-culturales est un'istrumentu de iscumbatamentu de su patrimòniu identitàriu de sa Sardigna, chi si proponet comente aina base pro lèghere sos paesàgios culturales de s'ìsula.
Comente cunsighèntzia de sa firma de unu protocollu de intesa intre Regione, Provìntzias, Soprintendèntzias, Archìvios de Istadu est in fase de elaboratzione su mosàicu de sas emergèntzias istòricu culturales. Custu istrumentu si proponet de mapare totu su patrimòniu regionale inghitzende dae iscumbatamentos giai elaborados e fàghere efetivu unu sistema pro mèdiu de chircas bibliogràficas.

Sos datos sunt istados organizados in unu sistema informativu territoriale in relata cun unu database istudiadu a posta chi a su presente nde faghent parte belle 15.000 benes. S'àmbitu isolanu est partzidu in regiones istòricas e sos benes comente monumentos archeològicos, architeturas, viabilidade istòricas sunt bidos in sas relatziones chi tenent intre paris. Su mosàicu incluit finas sos tzentros de formatzione antiga est a nàrrere sos nùcleos istòricos de sas biddas de sa Sardigna gasi comente iscumproados dae cartografias istòricas chi cando est istadu possìbile sunt istadas postas in relatzione cun sas permanèntzias de sas àreas antigas de "viddatzone". S'aina dat in custa manera una base atendìbile pro sa letura globale de sos paesàgios istòricos e culturales sardos.

Aggiornamento

6/5/2024 - 12:31