Sassari, Villa Arborio Mella de Santu Elia

Sa villa Arborio Mella de Santu Elia pesat subra de sa tzima de unu pendio tando perifèricu, sistemadu a parcu cun viales pedonales, pergolati, terrazzamenti, a sos cales s'agiunghent fintzas sas dépendences in s'ala prus esterna. Oe acasàgiat sa sede de s'Assòtziu Industriales de sa provìntzia de Sassari.
Sa villa Arborio Mella de Santu Elia fiat istadu costruida a inghìriu a su 1911-13 de s'architetu Alberto Arborio Mella de Santu Elia.
Pretzèdida dae un'ampra scalinata, est costituida dae corpos bia bia rientranti ma unificados dae sa matessi artària e de sa matessi curnisa. Sas aberturas sunt prus ricas in su fronte printzipale ue aparint prus ladinos sos richiamos a su rococò piemontesu, ligadu a sa provenièntzia de su progetista. Sunt in prus presentes una torretta cun lògia aberta a arcos chi sovrasta ala de su fàbricu e unas àteras lògias, tancas però de vetrate. Sos arreos rivelant una mescolanza de riferimentos istilìsticos e de solutziones progetuales, chi istant intre Neobarocco e Liberty segundu una situatzione recurrente siat in sa matessi Sassari chi in unos àteros tzentros de sa penìsula.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
E. Chena·mi-P. Simonetti, "Architetura e tzitade", in Sassari intre Liberty e Déco, Cinisello Balsamo, Amilcare Pitzos, 1987, p. 45;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 36.