Sos cummèrtzios cun sos Mitzeneos

Sa tzivilidade nuràgica est istada pintada pro tempus meda comente una tzivilidade inserrada in issa etotu, rebelde a onni creze de cuntatu culturale cun su mundu de foras. Sas evidèntzias archeològicas ant, giai dae tempus, demustradu chi, in sa realidade, sas cosas fiant diferentes. Sa tzivilidade nuràgica difatis non depiat èssere assolada e inserrada.
Sa tzivilidade nuràgica est istada pintada -pro tempus meda- comente una tzivilidade inserrada in issa etotu, rebelde a onni creze de cuntatu culturale cun su mundu de foras.

Sas evidèntzias archeològicas ant, giai dae tempus, demustradu chi sas cosas fiant, in realidade diferentes. Sa tzivilidade nuràgica difatis non depiat èssere isolada e inserrada, ma insertada in mesu a sas dinàmicas de cuncàmbias cummertziales e, prus in generale, culturales, chi marcaiant sa bida in su Mediterràneu de cussu tempus.

Una de sas tzivilidades cun sas cales sos sardos nuràgicos aiant tentu -de seguru- raportos fitianos e aiant cummertziadu fiat cussa de sos Mitzeneos, interessados a su tràficu de metallos.

A cumproa de custos raportos sunt istados agatados in Sardigna repertos de tzeràmica diferentes e de importu. Connotos meda sos pìculos de tzeràmica mitzenea agatados in su nuraghe Antigori, postu in sa costa meridionale de sa Sardigna, a curtzu de Sarroch, ma finas su chi li narant "alabastron" agatadu in su nuraghe Arrùbiu de Arroli.

Sugùgiat importu e interessamentu mannu finas sa conchighedda de avòriu àpida in Mitza Purdia (Deximuputzu) chi presentat unu personàgiu cun unu elmu simigiante in totu a cussos descritos in sas òperas omèricas e chi si poniant sos gherreris acheos.

Aggiornamento

11/5/2023 - 16:43