Prenda de oro dae Tharros

Sas prendas fenitzu-pùnicas

Una de sas formas de artesania artìstica prus tìpicas de sa cultura fenitza est istada a seguru s'orefitzeria. Sas produtziones òrafas fenitzas sunt a seguru unu de sas chimas prus artas pro su chi pertenet sa calidade in totu su mare Mediterràneu de cussu tempus. Sos òrafos Fenitzos impreaiant cun abilidade manna sas tècnicas de sa filugrana e de ingranidura.
Una de sas formas de artesania artìstica prus tìpicas de sa cultura fenitza est istada a seguru s'orefitzeria.
Sas produtziones òrafas fenitzas sunt a seguru unu de sas chimas prus artas pro su chi pertenet sa calidade in totu su mare Mediterràneu de cussu tempus. Sos òrafos Fenitzos impreaiant cun abilidade manna sas tècnicas de sa filugrana e de ingranidura, chi non de badas sunt galu oe tìpicas de sas orefitzerias traditzionales sardas.

Sa Sardigna nos at torradu testimonias archeològicas de grandu balia, siat pro su chi pertenet sa calidade siat pro sa cantidade.Tocat a ammentare mescamente sas prendas chi benint dae sas necròpolis de su tzentru urbanu de Tharros, postu in sa costera aristanesa.Sas prendas de Tharros, gasi comente a seguru unu bonu tantu de cussos agatados in àteros tzentros urbanos sardos, fiant de produtzione locale, chi mostrant cantu fiat artu su livellu de finesa tècnica e estètica de sas maistros isulanos.

Ampru meda paret su frunimentu de sos ogetos produidos, bratzales a placa cun sa traballadura in filugrana, bratzaleddos cun granos in pedra tosta e oro, lòrigas, arracadas a rughe cun asa, pendulinas cun figuras de pugiones, pendulinas cun motivos vegetales, amuletos, carrabusos, etc.