Pinturas, isculturas e orefitzerias de genia orientale

Sas produtziones artìsticas chi pertenent a sa cultura fenitzu-pùnica donant unu esempru interessante meda de "contaminazione culturale".
Sas produtziones artìsticas chi pertenent a sa cultura fenitzu-pùnica donant unu esempru interessante meda de "contaminazione culturale".
Agiudados a seguru, in carchi misura, dae sos cuncàmbios fitianos e sighidos cun sas cumponentes culturales de importu in su Mediterràneu, sos Fenitzos si nch'aiant leadu sos ischemas de decoratzione e sos mòdulos de rapresentatzione istràngios dae sos setores diferentes de sa produtzione artìstica.
Bastante craras sunt sas "contaminatziones" avantzadas dae sos mundos culturales egitzu e grecu, chi essint a campu, pro esempru, in una de sas produtziones artìsticas fenìtzias e pùnicas tìpicas, sas isteles postas in su tofet (ispàtziu extraurbanu intregadu a s'interru de pipios mortos in sos primos annos de vida, o, segundu una tesi semper prus pagu sighida dae sos istudiosos, de pipios mortos sacrificados).
Custu discursu balet fintzas in un'àteru àmbitu de significu de sa produtzione artìstica fenìtzia e pùnica: s'orefitzeria.
In s'arte de sas prendas sos Fenitzos fiant lòmpidos a unu gradu de galania istilìstica e tècnica, impitende cun abilesa manna solutziones tècnicas che a sa filigrana e s' ingranidura.
A testimonia de sa fungudesa e mannària de su cuncàmbiu culturale inghitzadu intre Fenitzos e Sardos b'at chi custas tècnicas sunt galu in dies de oe una particularidade de s'orefitzeria sarda.