Pintadera de tzeràmica dae su nuraghe Santu Antine de Turalva

Sas pintaderas

Cun su faeddu "pintaderas" s'indicant manufatos pitichededdos in terracota (cussos nòdidos non nche colant sos 10 cm de diàmetru), cun una cara prana o canteddu cucuruda, decorada cun motivos geomètricos. Pro su chi pertenet s'impreu issoro, si pensat chi siant màdrighes pro decorare crezes de pane particulares chi fortzis s'impitaiant in carchi tzerimoniale religiosu.
Si a tempos de oe est bastante crara sa partzidura intre "produtos artìsticos" e "artefatos" impreados pro cosas pràticas (francu pro su "design"), in antigòriu su sentidu comune non distinghiat gasi a ladinu intre sa figura de s' "artista" e cussa de s' "artesanu".

Duncas no est a raru chi sos archeòlogos agatant manufatos pro s'impreu fitianu chi tenent fintzas balia "estètica" prus o mancu marcadas. Sas pintaderas paret chi intrent in custa genia de ogetos.

Cun su faeddu "pintaderas" s'indicant manufatos pitichededdos in terracota (cussos nòdidos non nche colant sos 10 cm de diàmetru), cun una cara prana o canteddu cucuruda, decorada cun motivos geomètricos.

Pro su chi pertenet s'impreu issoro, si pensat chi siant màdrighes pro decorare crezes de pane particulares chi fortzis s'impitaiant in carchi tzerimoniale religiosu.

Custa idea est afortiada dae sa presèntzia de paritzos "brunzetos" (sas istatueddas famadas in brunzu) chi retratant "oferentes" (interpretadas gasi ca tenent sa manu dereta pesada in sa tìpica postura "devotzionale") chi giughent in sa manu manca una fogatza decorada cun sos matessi motivos geomètricos chi ondraiant sas pintaderas.

Custos manufatos nuràgicos tìpicos ( chi tenent semper e cando assimìgios morfològicos e funtzionales cun sas "màdrighes" pùnicas prus betzas) los ant agatados siat in logos de cultu chi in nuraghes e bidditzolos. Si podent assentare in su tempus chi moet acabende su Brunzu Finale e inghitzende s'edade de su Ferru (X-VIII sec. a.C.).