Sarcofago con lo stemma dei Bas

Produtziones e negòtzios

Intre su de VI e VII sèculos est galu presente s'importatzione de manufatos in tzeràmica chi beniant dae tzentros de produtzione postos oru·oru sa costa mediterrànea de s'Àfrica. Si tratat de sa chi est narada "tzeràmica sigillada africana", chi incluit classes diferentes de istèrgiu comune e mescamente lugherras decoradas cun figuratziones cristianas.
Intre su de VI e su de VII sèculos est galu ativa s'importatzione de manufatos in tzeràmica chi beniant dae sos tzentros de produtzione oru·oru sa costa mediterrànea de s'Àfrica. Si tratat de sa chi est narada "tzeràmica sigillada africana", chi incluit classes diferentes de istèrgiu comune e mescamente lugherras decoradas cun figuratziones cristianas. A custas s’acumpàngiant sas ànforas mannas de creze bizantina, impreadas pro trasportare provistas alimentares peri sas rotas printzipales de su cummèrtziu mediterràneu.
Sa presèntzia àraba no aiat fatu sessare sos negòtzios, ma cambiare sos tzentros de iscàmbiu, difatis custos cara a su sèculu VIII dae s'Àfrica aiant cumentzadu a interessare s'Itàlia meridionale. S'agatant finas produtziones locales, pro su prus tzeràmicas galu de traballare e de pònnere in su fogu, e non mancant cosas de lussu (comente sa tzeràmica narada "Forum Ware" e sos brochitos de brunzu de creze "copto") importadas dae Roma o dae tzentros a tesu meda dae sa Sardigna.
Fiat istadu isculpidu in sas butegas de Òstia su sarcòfagu de màrmaru prus antigu cun figuras cristianas, unu pìculu de su cale – chi presentat su "Sacrifìtziu de Isacu" - fiat istadu agatadu in Òlbia e como est costoidu in su Museu Archeològicu Natzionale de Casteddu.
Intre sos iscavos archeològicos prus de importu s’agatant sos chi ant contribuidu a acrarire e in parte a torrare a bìdere s'istòria urbanìstica de Casteddu in sos sèculos de passàgiu dae s'antighidade a su medioevu. Chircas pretzisas si sunt de custa manera trasformadas in adòvios de cantieres-iscola, chi ant impinnadu équipes de sa Soprintendètzia Archeològica e de s'Universidade, cun resultados a bortas non feti de interessu ispetzialìsticu ma abertos – comente in su casu de s'àrea archeològica suta su Museu e sa crèsia de Santa Eulàlia – a sa fruitzione a cumone.