Iscritzione latina de Portu Turres

Sas pedras miliares

Sa retza de sas istradas fatas a sos tempos de sos romanos fiat de seguru unu de sos istrumentos prus de importu pro mèdiu de su cale Roma aiat resèssidu a pònnere su controllu suo in Sardigna. Comente ocurret galu oe cando passamus in un'istrada, sa partzidura de sas distàntzias in totu sas lìnias viàrias depiat rapresentare un'informatzione pretziosa pro chie fiat biagende.
Sa retza de sas istradas fatas a sos tempos de sos romanos fiat de seguru unu de sos istrumentos printzipales prus de importu pro mèdiu de sa cale Roma fiat resèssida a pònnere su controllu suo in Sardigna.
Comente ocurret galu oe cando passamus in un'istrada, sa partzidura de sas distàntzias in totu sas lìnias viàrias depiat rapresentare un'informatzione pretziosa pro chie fiat biagende.
Dae inoghe benit sa netzessidade de pònnere oru·oru s'istrada sos chi numenamus "pedras miliares". Si tratat de pilastros de pedra in ue s'intacaiant informatziones comente su nùmene de s'istrada e sa distàntzia dae su tzentru urbanu de riferimentu.
Su rinvenimentu de sas pedras miliares rapresentant pro sos archeòlogos una fonte pretziosa de informatziones, mescamente cando ocurret a curtzu de logu in ue sa pedra miliare a printzìpiu depiat èssere istada assentada.
No est raru a onni manera su casu de torrare a impreare custos manufatos. Est reghente sa nova de su rinvenimentu, a curtzu a sa fonte sacra nuràgica de Rebecu, a probe de Bonolva (unu territòriu dae ue benint medas de sas pedras miliares giai connotas), de istruturas termales in ue paritzas pedras miliares fiant impreadas cun sa funtzione de "suspensurae".