Carbonia, fortificazioni fenicie di nuraghe Sirai

Sos insediamentos fenitzos

S'istòria de sa presèntzia fenitza in Sardigna passat pro fases diferentes de unu protzessu insediativu lenu. Sas primas formas de cuntatu si fiant dèpidas tènnere in logos controllados dae sardos nuràgicos, de su cale un'esempru est su giassu de Santa Imbènia (S'Alighera) in ue sunt istados agatados rastros craros de cuntatos intre gente nuràgica, fenitza e eubòica (greca).

S'istòria de sa presèntzia fenitza in Sardigna passat pro fases diferentes pro mèdiu de unu protzessu insediativu lenu.
Sas primas formas de cuntatu si fiant dèpidas tènnere in logos controllados deretu dae sardos nuràgicos, de su cale un'esempru de significu est su giassu de Santa Imbènia (S'Alighera) in ue sunt istados agatados rastros craros de cuntatos intre gente nuràgica, fenitza e eubòica (greca).

Su passu sighente fiat dèpidu èssere rapresentadu dae s'ammàniu de mercados minores, logos destinados a favorèssere e regulamentare sos negòtzios in su cale fiat fundadu su sistema econòmicu fenìtziu.

Sa de tres fases de su protzessu fiat su fràigu in terra sarda de tzitades verdaderas postas non feti oru·oru sa costa, a tentare sos molos printzipales pro sa Sardigna, ma finas in localidades prus de chirru de intro (comente in su casu de Monte Sirai), semper in logos crìticos de cussos chi depiant èssere sos logos de passàgiu prus de importu.
Bisòngiat de nàrrere puru chi sos rastros archeològicos de sa presèntzia fenitza in sas àreas de chirru de intro, finas in localidades no urbanizadas, rapresentant datu seguru, a testimonia de una capatzidade de primore de sos cuntatos intre Fenitzos e Sardos in totu sas àreas printzipales de s'ìsula.

Finas in custa fase sos nuraghes sighint a rapresentare unu puntu tzentrale pro sos insediamentos comente testimòngiant sos rastros craros de su reimpreu fatu.