Nora, mosàico de pamentu de sa "Casa dell'Atrio"

Sos mosàicos

Una forma de arte praticada meda in su mundu romanu, mancari chi non fiat petzi de cussa tzivilidade est istada su mosàicu. Est una casta de manufatu particulare fatu impreende tèsseras piticas, in pedra o in terralla, de colores diferentes, assentadas a tales de creare figuras vàrias. In Sardigna annoditat pro su prus su mosàicu a ischema geomètricu chi non cussu figuradu.

Una forma de arte praticada meda in su mundu romanu, mancari chi non fiat petzi de cussa tzivilidade est istada su mosàicu.
Est una casta de manufatu particulare fatu impreende tèsseras piticas, in pedra o in terralla, de colores diferentes, assentadas a tales de creare figuras de gènere vàriu. In Sardigna annoditat pro su prus su mosàicu a ischema geomètricu chi non cussu figuradu.
Sos mosàicos fiant fatos mescamente ( ma non petzi) comente decoratzione de pamentu de sas domos de personàgios ricos chi si podiant permìtere custu lussu.
Pamentos a mosàicu los ant agatados in sos printzipales tzentros urbanos de edade romana de sa Sardigna (Nora, Karales, Sulci, Tharros, Turris Libisonis), ma su mosàicu prus ampru bogadu a campu finas a como dae sas chircas archeològicas est cussu de Santu Cromàtzio, in Villaspeciosa.
Sa realizatzione de sos mosàicos cheriat s’impreu de maestràntzias ispetzializadas meda, siat pro su chi pertocat su sèberu de sas tèsseras adatas, siat pro su chi pertenet a sa creatzione de sos pìgios de argamassa in ue s’isterriant sas tèsseras.
Sos mosàicos sardos assimìgiant meda a cussos nordafricanos, a cunfirma de cuncàmbios de significu cun custas duas regiones, mescamente in edade imperiale.