Sarcòfagu in màrmaru dae Portu Turres

Sos sarcòfagos

Su cuntestu funeràriu at rapresentadu a s'ispissu, in èpocas diferentes, un' ocasione de importu pro sa realizatzione de òperas de arte rechestas dae commitentes ricos. Gasi est fintzas pro su mundu romanu. De significu mescamente in custu sensu sunt sos sarcòfagos, est a nàrrere una genia de "càssias" realizadas in pedra bastante pretziada.
Su cuntestu funeràriu at rapresentadu a s'ispissu, in èpocas diferentes, un' ocasione de importu pro sa realizatzione de òperas de arte rechestas dae commitentes ricos.
Gasi est fintzas pro su mundu romanu. De significu mescamente in custu sensu sunt sos sarcòfagos, est a nàrrere una genia de "càssias" realizadas in pedra bastante pretziada (comente su màrmaru) intregadas a cuntènnere sos restos de unu mortu.
Sos sarcòfagos fiant decorados in maneras diferentes, siat cun motivos ondrales comente cussas chi si tzèrriant "strigilature", est a nàrrere filas parallelas de incrastas a "S", a sas cales s'intrèverant pannellos figurados, siat cun aparatos figurativos chi tudaiant totu sa fatzada de su sarcòfagu.
Sa buscada de unu sarcòfagu est semper de cullegare torra a interros de personàgios de unu tzertu gradu, siat econòmicu chi sotziale. Custos rapresentant in prus una fonte de informatziones de importu fintzas pro su chi pertocat sa tecnologia, ca frunint datos de significu subra sa tzirculatzione de manufatos e de maestràntzias in intro de su mundu romanu.
Pro su chi pertenet a sa Sardigna paret chi annoditet s'importatzione de sarcòfagos traballados in sa ofitzinas de Roma o de Òstia, pro mèdiu de unu canale chi at a abarrare ativu fintzas a sa metade de su de IV sèculos.