Una faina ispetzializada a livellu familiare

Sa produtzione tèssile traditzionale in Sardigna est in manera istrinta connètida a sas chi, in sos sèculos, sunt istadas sas printzipales fainas produtivas: s'allevamentu e sa laurera.
Sas fontes istòricas documentant, de s'edade romana in posca, s'esistèntzia de una notèvole faina tèssile difusa subra de totu su territòriu e mescamente sas fontes de su Otighentos dant contu de una produtzione raighinada e difùndida a livellu familiare, mancari non mancaiant fèminas "ispetzializadas" in su un'o in s'àtera de sas traballaduras.

Sos filados sunt de orìgine animale - lana ovina e caprina, seta, bisso - o vegetale: linu, canapa, cotone. Pro sa tintura s'impreaiant in orìgine fundos locales. Sos telàrgios fiant de tipu orizontale o de tipu verticale. Sas tècnicas sunt vàrias, comente a puru sa casta de sos manufatos e de sos motivos ornamentales, ligados a sa traditzione locale.

Importantes collidas de tessutos de època faghent parte de sas colletziones de numerosas istitutziones pùblicas chi las esponent in ocasione de mustras temporàneas. Sunt espostas in manera istàbile sas colletziones de unos cantos Musei.

Bibliografia
G. U. Arada-G. Biasi, Arte sarda, Milanu, 1935;
A. Imeroni, Piticas indùstrias sardas, Milanu-Roma, 1928;
Su Museu Sanna de Sassari, Milanu, 1986;
Su Museu Etnogràficu de Nùgoro, a cura de P. Piquereddu, Sassari, 1987;
P. Loddo, Arte tèssile in Sardigna. Sìmbulos e ornati, Sassari, 1987;
L. Degioannis, "I tessutos e sos recramos", in Pinacoteca Natzionale de Casteddu. Catàlogu, II, Casteddu, 1990;
G. Carta Mantiglia-A. Tavera , Sa seta in Sardigna, Nùgoro, 1992;
L. Degioannis, Sa tessidura traditzionale in Sardigna, Aristanis, 1993;
S. Masala, Nule. Aspetos de vida e cultura populare, Nule, 1993;
G. Carta Mantiglia "Sa produtzione de su bisso marinu", in Pisca e piscadores in Sardigna. Mestieris de su mare e de sas abbas internas, a cura de G. Mondardini, Casteddu, 1997;
Su bisso marinu. Filos dae oro de su fundu de su mare, catàlogu de sa mustra de Basilea (19 martzu-27 làmpadas 2004);
A. Caoci, Sas tessidoras de Ìsili. Pràticas e estèticas, Casteddu, 2005.