Istruturas edilìtzias de sa tziviltade nuràgica

Sa pertzetzione nostra de s'entidade culturale chi oe mutamus ''tziviltade nuràgica'' resurtat a forte cunditzionada dae sas elaboratziones architetònicas chi tale tziviltade est istada capatza de prodùere: sos tèmpios a putzu, sas tumbas de sos gigantes, sos tèmpios a ''megaron'' e, mescamente, sos nuraghes.

Custos monumentos sunt difatis gasi numerosos e in manera architetònica presentes in su paesàgiu sardu de àere conchinadu sos istudiosos de s'oportunidade de nd'impreare su nùmene pro definire s'intrea tziviltade chi los aiat prodùidu.

Su datu indiscutìbile est chi su sistema culturale chi denumenemus ''tziviltade nuràgica'' aiat intesu sa netzessidade (pro resones no ancora de su totu crarides) de s'impinnare in s'imponente isfortzu de pesare unu notèvole nùmeru de monumentos rafinados e cumplessos, lompende a realizare un'impresa de natura architetònica priva de pretzedentes in s'istòria de s'ìsula.

Custu enorme isfortzu costrutivu fiat istadu unu modu peculiare pro rispòndere a sos noos bisòngios determinadas dae s'isvilupu sotziale, polìticu, econòmicu, religiosu, in summa in una paràula ''culturale'' cròmpidu in Sardigna in custa època, e fiat istadu pretzèdidu dae una sèrie de esperimentos, intre sos cales torrant sos protonuraghi, comente si siat costruidos fintzas in edade nuràgica.

Affatto aoradu est imbetzes su tèmpiu-altare de Monte de Accoddi (Sassari), sena àteru su prus imponente e enigmàticu monumentu de sa Sardigna prenuragica.

Aggiornamento

13/9/2023 - 18:36