Sènnaru, Necròpoli de s'Ortu de su Benefìtziu Parrochiale

Necropoli dell'Orto del Beneficio Parrocchiale. Protomi taurine nella cella principale. Foto di Luca Doro, 2017

Sos interros sunt fossadas in un'affioramento calcàreu, in s'ortu attiguo a sa crèsia parrochiale de Sènnaru, in s'Anglona, regione costera de sa Sardigna setentrionale.
Sa necròpoli cumprendet 11 domus de janas, in generale pluritzellulares, unas cantas cales caraterizadas dae decoraduras architetònicas in rilievu.
S'interru prus interessante est costituida dae 11 ambientes dispostos segundu un'ischema irregulare. Bi s'atzedet de una tzella a fundu cuadrangulare cun bòveda lada (largh. m 2,87; lungh. m 2,30; alt. m 1,28), chi currispondet a sa tzella tzentrale, ca mancat s'anticella. Subra de sos muros laterales de s'ambiente s'aberint duos vanos segundàrios: su vanu a manca presentat unu fundu retangulare absidata (lungh. m 3,25; largh. m 2,05; alt. m 1,18/1,30), cuddu a dereta tenet fundu retangulare (lungh. m 2; largh. m 1,75; alt. m 1,10 belle).
Subra de su muru de fundu de custu ùrtimu ambiente, unu portellu sopraelevato ponet in unu piticu vanu de disimpinnu, de forma ellìtica (lungh. m 1,07; largh. m 1,18; alt. m 0,87), chi, girende belle a cuidale, ghenna a una tzella a fundu irregulare (lungh. m 1,07; largh. m 1,10). A traessu de unu portellu chi s'aberit in su muru de fundu de custa tzella, s'atzedet a una càmera tzentrale de majores dimensiones, a fundu retangulare (lungh. m 2,30; largh. m 4,20; alt. m 1,08); s'ambiente presentat decoraduras architetònicas parietales isculpidas in rilievu: subra de sos chirros de su portellu s'osservant de sas lesene, mentras unas àteras bandas in rilievu current parallelas longu sos muros a su de suta de sa bòveda o falant perpendiculares spartendo a ricuadros sas superfìtzies. A s'internu de sos ricuadros s'osservant tres protomi in rilievu cun ampras corna.
In sos muros de sa tzella s'aberint unos àteros bator portellos chi dant atzessu a ateretantos vanos: su primu vanu, subra de su chirru mancu, est sub-retangulare (lungh. m 1,12; largh. m 2,70; alt. m 0,90); su segundu vanu, subra de su chirru frontale, est retangulare allongadu (lungh. m 1,80; largh. m. 4,82; alt. m 1,08); sos ùrtimos duos vanos - unu retangulare (lungh. m 2,10; largh. m 1,13; alt. m 0,94), s'àteru a fundu irregulare, subra de su chirru deretu e subra de su chirru de s'intrada - sunt comunicantes intre issas.

Istòria de sos iscavos
Informatzione non disponìbile.

Bibliografia
G. Chelo, "Grotticelle funeràrias artifitziales in su Tataresu", in Studios Sardi, XII-XIII, 1952-54, pp. 82-89;
G. Lilliu, "Religione de sa Sardigna prenuragica", in Bulletinu de Paletnologia Italiana, XI, 1957, nòdida 63;
G. Tanda, "Arte Preistòrica in Sardigna. Sas figuratziones taurinas isculpidas de s'Aligeresu in su cuadru de sas rapresentatziones figuradas de sos ipogeos sardos a «domu de janas»", in Cartulàrios de sa Soprintendenza pro sos Benes Archeològicos de sas provìntzias de Sassari e Nùgoro", 5, Sassari, Dessì, 1977, p. 43. sch. 17;
G. Tanda, S'Arte de sas domus de janas in sas imàgines de Jngeborg Mangold, Sassari, Chiarella, 1985, pp. 132-134, 188-189.

Comente arribbare
Sas domus s'agatant a su tzentru de su paisu, bighinu a sa crèsia parrochiale.