Su pòpulu de sos nuraghes

Sas indàgines archeològicas chi atenent a s'istùdiu de sa tzivilidade nuràgica marcant un'àmbitu particulare non in s'istòria de s'archeologia sarda ebbia, ma finas, prus in generale, in sa cultura de s'ìsula.
Sas indàgines archeològicas chi atenent a s'istùdiu de sa tzivilidade nuràgica marcant un'àmbitu particulare non in s'istòria de s'archeologia sarda ebbia, ma finas, prus in generale, in sa cultura de s'ìsula.

Gasi comente pensant sardos medas, su cuadru recostrutivu marcadu dae sas chircas de archeologia nuràgica paret difatis chi torret belle che pare cun s'idea matessi de "cultura sarda". No est fàtzile a acrarire sas paritzas cajones de custu raportu curiosu chi aunint sos sardos a su passadu de sos nuraghes.

Unu contributu de determinu chi afirmat custu fenòmenu l'aiat dadu sa prima campagna de iscavos sistemàticos conduida, intre su 1951 e su 1955, in s'àrea de su cumplessu nuràgicu de "Su Nuraxi" de Barùmini dae s'archeòlogu Giuanne Lilliu (nàschidu pròpiu in Barùmini).

Custa campagna de iscavos at dadu (e dat oe chi est oe) un'efetu de annoamentu cunforma a sa traditzione de istùdios e de indàgine chi fiant istadas fatas in antis, in custu territòriu etotu.

Giuanne Lilliu, difatis, non at postu aficu dende atentu ebbia a s'anàlisi de su cumplessu nuràgicu, sutaponende·lu a indàgine cun cuidadu, ma luego si fiat dadu de ite fàghere cun sa punna de interpretare, a manera generale, cussa chi aiat cramadu "tzivilidade nuràgica", contraponende·la a sas "culturas" preistòricas de in antis.

No est duncas atrividu su de afirmare chi s'archeologia "nuràgica" naschet cun Giuanne Lilliu e cun s'iscavu de "Su Nuraxi" de Barùmini.

Aggiornamento

11/5/2023 - 16:43